- સુહાના ખાન આજે 22 મે એ પોતાનો જન્મદિવસ ઉજવી રહી છે
- ચાહકોએ સુહાના ખાનને જન્મદિવસની શુભકામનાઓ પાઠવી
- સુહાના ખાન ટૂંક સમયમાં અભિનયની દુનિયામાં પહેલું પગલું ભરશે
શાહરૂખ ખાનની દીકરી સુહાના ખાન આજે 23 વર્ષની થઈ ગઈ છે. આ દિવસે સેલિબ્રિટીની સાથે સાથે ચાહકોએ પણ સુહાનાને તેના જન્મદિવસની શુભેચ્છાઓ પાઠવી રહ્યા છે. ગૌરીએ વર્ષ 2000માં સુહાનાને જન્મ આપ્યો હતો. શાહરૂખ પોતાના દિકરીને ખૂબ પ્રેમ કરે છે. તેથી જ શાહરૂખ ખાન તેની પુત્રીને દરેક કામમાં સાથ અને પ્રોત્સાહન આપતા જોવા મળે છે. ત્યારે સુહાનાના 23માં જન્મદિવસ પર શાહરૂખ ખાને દીકરીનો એક સુંદર વીડિયો પોસ્ટ કર્યો છે. આ વીડિયોમાં સુહાના સ્કેટિંગ પહેરીને ગોળ-ગોળ ફરતી જોવા મળે છે.
શાહરૂખ ખાનની પોસ્ટ પર ચાહકોએ પોતાની પ્રતિક્રિયા આપી
વીડિયોમાં જોઈ શકાય છે કે સુહાના ખાને બ્લેક ક્રોપ ટોપ અને ડેનિમ જીન્સ પહેર્યું છે. વીડિયોમાં સુહાના ખાન સ્કેટ પહેરીને ખૂબ જ ખુશ દેખાઈ રહી છે. આ વીડિયોને શેર કરતા સુહાના ખાને કેપ્શનમાં લખ્યું, "આજનો દિવસ તમને હંમેશ માટે ખુશ કરવાનો દિવસ છે. લવ યુ બેબી." શાહરૂખ ખાનની આ પોસ્ટ પર લોકો ઘણી કોમેન્ટ કરી રહ્યા છે અને પોતાની પ્રતિક્રિયા આપી રહ્યા છે.
ચાહકોએ સુહાના ખાનને જન્મદિવસની શુભકામનાઓ પાઠવી
શાહરૂખ ખાનની આ પોસ્ટ પર ચાહકો સુહાના ખાનને તેના જન્મદિવસની શુભકામનાઓ આપી રહ્યા છે, તો કેટલાક લોકો શાહરૂખને સુહાનાનો હાથ પણ માંગી રહ્યા છે. એક યુઝરે ટિપ્પણી કરી, "અભિનંદન અને ભગવાન તમને બંનેને આ સુંદર સફર માટે આશીર્વાદ આપે. ઘણો પ્રેમ." તો ત્યાં બીજા યુઝરે લખ્યું કે, જમાઈની અરજી ક્યાં સબમિટ કરવી? શાહરૂખ ખાનની આ પોસ્ટ પર કોમેન્ટ કરતાં અન્ય એક યુઝરે લખ્યું, "શાહરુખ તું તારી દીકરીને ખૂબ પ્રેમ કરે છે? અને અમે પણ કરીએ છીએ."
સુહાના ખાન ફિલ્મ દ્વારા અભિનયની દુનિયામાં પહેલું પગલું ભરશે
કામની બાબતમાં વાત કરીએ તો સુહાના ખાન પિતા શાહરૂખ ખાનની જેમ એક્ટિંગમાં કરિયર બનાવવા માંગે છે. સુહાના ટૂંક સમયમાં ઝોયા અખ્તર દ્વારા નિર્દેશિત ફિલ્મ 'ધ આર્ચીઝ'માં જોવા મળશે. સુહાના ખાન, ખુશી કપૂર અને અગસ્ત્ય નંદા સ્ટારર આ ફિલ્મ OTT પ્લેટફોર્મ નેટફ્લિક્સ પર રિલીઝ થશે. સુહાના ખાન આ ફિલ્મ દ્વારા અભિનયની દુનિયામાં પહેલું પગલું ભરશે.
