- ડાયાબિટીઝનાં દર્દીઓ શુગર-ફ્રી પિલ્સનો ઉપયોગ કરે છે
- શુગરની જગ્યાએ આ પિલ્સથી ફુડમાં મીઠાશ આવે છે
- પણ આ પિલ્સ શરીર માટે અત્યંત હાનિકારક હોય છે
ડાયાબિટીઝનાં દર્દીઓ મોટાભાગે પોતાની ચા/કૉફીમાં ખાંડની જગ્યાએ શુગર-ફ્રી પિલ્સનો ઉપયોગ કરે છે. જે લોકો ડાયાબિટીઝની બોર્ડરલાઈન પર છે કે જેમણે ખાંડનું સેવન નથી કરવાનું તેઓ પણ આ પિલ્સનો ઉપયોગ કરતાં હોય છે. આ શુગર-ફ્રી પિલ્સ ખાદ્ય પદાર્થને ગળ્યું બનાવે છે. પણ શું આ શુગર-ફ્રી પિલ્સ ખાવું સ્વાસ્થ્ય માટે સારું છે ?
શુગર-ફ્રી પિલ્સ ખાવાથી નુક્સાન થાય છે
શુગર-ફ્રી પિલ્સમાં રહેલ કૃત્રિમ મિઠાસ પેદા કરનારા રસાયણ શરીર માટે હાનિકારક હોય છે. તેમાં એસ્પાર્ટેમ, એસેસુલ્ફેમ પોટેશિયમસ સુક્રાલોઝ વગેરે જેવા રસાયણ ભેળવવામાં આવે છે જે લાંબા સમયસુધી ખાવાથી શરીરમાં અનેક પ્રકારની સમસ્યાઓ પેદા થવા લાગે છે. તેનું નિયમિત અને વધારે માત્રામાં સેવન કરવાથી બ્લડ શુગર લેવલ અસ્થિર થઈ શકે છે, વજન વધી શકે છે અને કિડની પર પણ અસર થઈ શકે છે.તેથી ડાયાબિટીઝનાં દર્દીઓએ શુગર પિલ્સની જગ્યાએ સ્વાદિષ્ટ અને સ્વાસ્થ્યવર્ધક અન્ય વિકલ્પો શોધવા જોઈએ.
શુગર ફ્રી પિલ્સની સાઈડ ઈફેક્ટ્સ
- કૃત્રિમ શુગર લાંબા સમય સુધી ઉપયોગમાં લેવાથી કેન્સર જેવી ગંભીર બીમારી થઈ શકે છે.
- કૃત્રિમ શુગર સબસ્ટીટ્યૂટ્સ જેવા કે એસ્પાર્ટેમ, સુક્રાલોઝ, એસેસુલ્ફેમ વગેરે લાંબા સમય સુધી લેવાથી શરીરમાં નકારાત્મક પ્રભાવ પડી શકે છે.
- આ કૃત્રિમ શુગરનાં રાસાયણિક સંઘટનનાં કારણે કેન્સર, હાર્ટ-ડિસીઝ અને વજન વધવા જેવી બીમારીઓ થઈ શકે છે.
- શુગર ફ્રી પિલ્સથી વજન ઘટતું નથી. કેટલીક જાહેરાતો દાવો કરે છે પણ આ પિલ્સનાં વધારે સેવનથી નિંદર ન આવવી, અશાંતિ, ચિડચિડયાપણું, માથાનો દુ:ખાવો, સંધિવાનો દુ:ખાવો વગેરે જેવી સમસ્યાઓ થઈ શકે છે. તેથી ડાયાબિટીઝનાં દર્દીઓએ આ કૃત્રિમ શુગરનાં સેવનથી બચવું જોઈએ.
