નિવેદન / પોતાની જ સરકાર પર સુબ્રમણ્યમ સ્વામીએ કર્યો કટાક્ષ, અર્થવ્યવસ્થાને નીચે લઇ જવા માટે પણ મગજ જોઇએ

• દેશની આર્થિક મંદી સરકાર માટે મોટો પડકાર બની ચૂકી છે
• આર્થિક ડામાડોળ સ્થિતિને લઇને BJPમાંથી પણ વિરોધના સૂર 
• સુબ્રમણ્યમ સ્વામીએ થોડા સમય પહેલા કહ્યું હતું, બેન્ક નોટ પર લક્ષ્મી જીની તસવીર છાપવામાં આવે

તેઓએ પોતાના ટ્વિટર હેન્ડલ પર વ્યંગ કરતા લખ્યું, 'સામાન્ય પણે રિસેશન એટલે કે મંદી, મોંઘવારીની સાથે આવતી નથી. સામાન્ય રીતે માંગમાં ઘટાડો આવ્યા બાદ વસ્તુઓની કિમંત વધતી નથી. પરંતુ હવે ભારતની અર્થવ્યવસ્થામાં આ તમામ ખામીઓ જોવા મળી રહી છે. જોકે, આ વાત મજાકમાં કહી રહ્યો છું પરંતુ આ પ્રકારે ફેલ થવા માટે પણ મગજની જરૂર છે.'

સુબ્રમણ્યમ સ્વામીએ એક દિવસ પહેલા જ ડૉલરની તુલનામાં નીચે જઇ રહેલા રૂપિયા પર એક અજીબો ગરીબ નિવેદન આપ્યું હતું. તેઓેએ કહ્યું હતું કે, ભારતીય રૂપિયાની સ્થિતિ સુધારવા માટે નોટની ઉપર ધનની દેવી લક્ષ્મી જીની તસવીર છાપવી જોઇએ. 

સુબ્રમણ્યમ સ્વામીએ કહ્યું કે, ધનની દેવી લક્ષ્મીની તસવીર બેન્ક નોટ પર છાપવાથી ભારતીય કરન્સીની સ્થિતિમાં સુધાર આવી શકે છે.