નિવેદન / બૃજભૂષણ સિંહનું એલાન, નાર્કો અને પોલિગ્રાફી માટે તૈયાર પણ, વિનેશ અને બજરંગ પણ કરાવે આ ટેસ્ટ

• કુશ્તી સંઘના પૂર્વ  અધ્યક્ષ બૃજભૂષણ શરણ સિંહનું નિવેદન
• 'કુશ્તીબાજો આ ટેસ્ટ કરાવે તો હું ટેસ્ટ કરાવવા તૈયાર'
• 'આ લોકો રાજનીતિના રમકડા બની ગયા છે'

ભારતીય કુશ્તી સંઘના પૂર્વ અધ્યક્ષ બૃજભૂષણ શરણ સિંહએ રવિવારે એક ફેસબુક ઘોષણા કરતા જણાવ્યું છે કે, હું નાર્કો ટેસ્ટ, પોલીગ્રાફી ટેસ્ટ અથવા લાઈવ ડિડેક્ટ ટેસ્ટ કરાવવા માટે તૈયાર છું પરંતુ મારી શર્ત એટલી છે તે, મારી સાથે વિનેશ ફોગાટ અને અને બજરંગ પૂનિયાનો પણ આ ટેસ્ટ થવો જોઈએ.

WFI chief and BJP MP Brij Bhushan Sharan Singh says that he is ready for the polygraph test if the same test of wrestlers Vinesh Phogat and Bajrang Punia is also conducted along with his test. pic.twitter.com/P1YtJmzXFr

— ANI (@ANI) May 21, 2023

બૃજભૂષણ શરણ સિંહનું નિવેદન
તેમણે કહ્યું કે, બંન્ને કુશ્તીબાજો આ ટેસ્ટ કરાવવા માટે તૈયાર હોય તો પ્રેસ બોલાવી જાહેરાત કરે અને હું વચન આપું છું કે, હું તૈયાર છું અને હું મારા વચન પર કાયમ અડગ છું તે બાબતે દેશના લોકો સાથે વાદો કરૂ છું. રઘુકુળ રીતિ સદા ચલી આય પ્રાણ જાય પણ વચન ન જાય. તેમણે વધુમા ઉમેર્યું કે, હું પોતે વિચાર કરૂ છું કે, જે બાળકો માટે મેં સર્વસ્વ આપી દીધું તે જ બાળકો આજે રાજનીતિના રમકડા બની ગયા છે.

'મારા પર બેડ ટચનો આરોપ છે'
બૃજભૂષણ શરણ સિંહએ કહ્યું કે, મેં પહેલા દિવસે જ પૂછ્યું હતું કે, મારા પર લાગેલા આરોપો કેટલી હદ સુધી સાચા છે, ચાર મહિના થઈ ગયા પરંતુ તે લોકો હજી સુધી જણાવી શક્યા નથી, મારા પર બેડ ટચનો આરોપ છે, તેમણે ઉદાહરણ આપ્યું કે, જેવી રીતે તમે મને મળા પહેરાવી અને તમારા હાથ શરીરમાં લાગી જાય તે પર આ લોકો મને ફાંસી પર ચડાવવા માંગે છે. તેમણે વધુમાં જણાવ્યું કે,  હું પોતાને જાણું છું અને મેં ક્યારે તેમને ફોન પણ કર્યો નથી, અને જો કોઈ સબૂત હોય તો બતાવે, કોઈ રેકોડિંગ વગરે નથી ફક્ત કહાની બનાવવામાં આવી રહી છે. તમને જણાવી દઈએ કે જંતર મંતર ખાતે વિરોધ કરી રહેલા ખેલાડીઓ બૃજભૂષણનો નોર્કો ટેસ્ટ કરવા માગ કરી હતી