- થોડું કામ કરીને થાક લાગવું ચિંતાજનક
- શરીરમાં સ્ટેમિના વધારવા માટે ચોક્કસ ફૂડ્સનું સેવન જરૂરી
- એનર્જીથી લઈને શરીરને સ્વસ્થ રાખવા આ પોષકતત્વો લેવા
આજકાલ સૌકોઈ પોતાને ફીટ રાખવા ઈચ્છે છે. જેના માટે લોકો એક્સરસાઈઝસ ,યોગા અને ડાયટિંગની મદદ લે છે. પરંતુ કેટલાક લોકો એવા હોય છે કે જે થોડું જ કામ કરીને થાક અનુભવવા લાગે છે. આ લક્ષણ સ્ટેમિનાની ઉણપને લીધે આવી શકે છે તેથી આવી સ્થિતિમાં તમારે તમારી ખાણી-પીણીમાં ધ્યાન આપવું જોઈએ. હેલ્ધી ફૂડ્ ખાવાથી તમારા શરીરને જરૂરી માત્રામાં પોષક તત્વો મળે છે જેના લીધે તમારામાં એનર્જી આવશે.
સ્ટેમિના વધારતાં ફૂડ્સ
કેળાં
કેળાં તમારા સ્વાસ્થ્ય માટે ફાયદાકારક હોય છે. કારણકે તેમાં વિટામિન્સ અને મિનરલ્સ ઘણી માત્રમાં હોય છે. જો તમે વર્કઆઉટ પહેલાં કેળાનું સેવન કરો છો તો એ તમને ઈંસ્ટેંટ એનર્જી આપવામાં મદદરૂપ બને છે. જો તમે એક્સરસાઈઝ બાદ કેળા ખાઓ છો તો તેનાથી તમારો થાક દૂર થઈ જશે. તેથી જો તમે વજન ઓછું કરવા ઈચ્છો છો કે વધારવા ઈચ્છો છો તો તમારે કેળાનું સેવન વધારવું જોઈએ.
કિનોઆ
કિનોઆ ગ્લૂટેન ફ્રી હોય છે.જે લોકોને ગ્લૂટેન પસંદ નથી તે લોકો તેનું સેવન કરી શકે છે. તમે ચોખાની જગ્યાએ કિનોઆનું સેવન કરી શકો છે. આ પૌષ્ટીક આહાર શરીરને પ્રોટીન , આયર્ન, ફાઈબર અને કેલ્શિયમ પ્રદાન કરે છે.કિનોઆમાં ભરપૂર માત્રામાં પ્રોટીન હોય છે, જેનાથી પેટ લાંબા સમય સુધી ભરેલું રહે છે અને વજન ઓછું કરવામાં મદદ કરે છે.કિનોઆમાં ઝિંક મેગ્નેશિયમ અને આયર્ન જેવા ખનીજ તત્ત્વ રહેલા છે. જેનાથી અનિદ્રા, માથાનો દુ:ખાવો, માંસપેશીઓ અકડાઈ જવી, એનીમિયા, ડાયાબિટીસ તથા અન્ય બીમારીઓ થતી નથી. તેનું સેવન દરરોજ કરવું જોઈએ કારણકે આ ખાવાથી તમને તાત્કાલિક એનર્જેટિક અનુભવ થશે.
દાળ
મગ કે ચણાની દાળ તમારા સ્વાસ્થ્ય માટે ફાયદાકારક હોય છે. કારણકે તેમાં પ્રોટીન અને આયરન હોય છે જે તમારા થાકને દૂર કરવાનું કામ કરે છે. થાક દૂર થતાં તમે લાંબા સમય સુધી એક્સરસાઈઝ કરી શકશો.
નટ્સ અને સીડ્સ
બદામ, અખરોટ અને અળસીના બીજ સ્ટેમિના વધારવામાં હેલ્પ કરે છે. કારણકે તેમાં હેલ્ધી ફેટ અને પ્રોટીન હોય છે જે અનર્જીને બૂસ્ટ કરે છે. તેથી નટ્સ અને સીડ્સનું સેવન દરરોજ કરવું જોઈએ.
