- કાર્ડિયાક અરેસ્ટ આવતા 52 વર્ષીય અભિનેતાનું મૃત્યુ.
- ફિલ્મોમાં કોમેડિયન પાત્ર ભજવવા માટે ફેમસ હતા.
- ફેન્સ અને સહયોગીઓએ આપી શ્રદ્ધાંજલી.
અલ્લૂ રમેશ (Allu Ramesh) એક ભારતીય અભિનેતા છે, તેઓ મુખ્ય રૂપે તેલુગુ ફિલ્મ ઈન્ડસ્ટ્રીમાં કામ કરે છે. ફિલ્મોમાં કોમેડિયન પાત્ર ભજવવા માટે ખૂબ જ ફેમસ હતા, તમે તેમને સાઉથ સિનેમા જગતના કોમેડિયન પણ કહી શકો છો. આ કોમેડિયન અભિનેતાનું બે દિવસ પહેલા જ મૃત્યુ થયું છે. આ 52 વર્ષીય અભિનેતાને વિશાખાપટ્ટનમમાં 18 એપ્રિલના રોજ કાર્ડિયાક અરેસ્ટ આવતા તેમનું મૃત્યુ થયું છે. તેલુગુ ફિલ્મ ઈન્ડસ્ટ્રીના નિર્દેશક આનંદ રવિએ સોશિયલ મીડિયા પર આ અંગે જાણકારી આપી હતી. અલ્લૂ રમેશના અનેક ફેન્સ, સહયોગીઓ શોક વ્યક્ત કરીને તેમને શ્રદ્ધાંજલી આપી રહ્યા છે.
આનંદ રવિએ સોશિયલ મીડિયા પર પોસ્ટ શેર કરીને જણાવ્યું છે કે, ‘તમે પહેલા દિવસથી મારા સૌથી વધુ સપોર્ટ રહ્યા છો. હું હજુ પણ તમારો અવાજ સાંભળી શકું છું. તમારું નિધન થયું છે, તે હું માની શકતો નથી. તમે અનેક લોકોના દિલમાં જગ્યા બનાવી છે. મિસ યૂ. ઓમ શાંતિ.’ અલ્લૂ રમેશે થિએટરમાં કામ કરીને તેમના અભિનયના કરિઅરની શરૂ હતી. વર્ષ 2001માં તરુણ કુમાર અભિનીત ફિલ્મ ‘ચિરજલ્લૂ’ સાથે ટોલીવુડમાં કામ કરીને ફિલ્મ કરિઅર શરૂ કર્યું હતું. ત્યારથી તેઓ સતત આગળ વધી રહ્યા છે. 22 વર્ષના કરિઅરમાં 500 ફિલ્મોમાં કામ કર્યું છે. નેપોલિયન (Napoleon) અને થોલુબોમ્મલતા (Tholubommalata) જેવી ફિલ્મોમાં શાનદાર અભિનય કર્યા બાદ તેમને ઓળખ મળી છે. તેમની કોમેડી એક્ટિંગ લોકોને ખૂબ જ પસંદ આવી હતી.
તેલુગુ ફિલ્મોમાં હાસ્ય અભિનેતા તરીકે કામ કર્યું છે. ફિલ્મોમાં લાંબા સમય સુધી કામ ના કર્યું તેમ છતાં અલ્લૂ રમેશને તેમની એક્ટિંગના કારણે એક ખાસ ઓળખ મળી છે. જનતાએ તેમને ખૂબ જ પ્રેમ આપ્યો છે. તેમણે ફિલ્મ ટોલૂ બોમ્બલતા, મથુરા વાઈન, વીધી, બ્લેડ બાબજી અને નેપોલિયન જેવી અનેક ફિલ્મોમાં કામ કર્યું છે. વર્ષ 2022માં તેમની અંતિમ ફિલ્મ અનુકોની પ્રાણમ (Anukoni Prayanam) રિલીઝ થઈ હતી.
