- વર્લ્ડ કપની ફાઈનલ મેચમાં ભારતને કારમી હારનો સામનો કરવો પડ્યો હતો
- શાહિદ આફ્રિદીને લાગ્યું કે આ પરાજય વધુ પડતા આત્મવિશ્વાસને કારણે થયો છે
- આ વિશે આફ્રિદીની એક તીખી ટિપ્પણી સોશિયલ મીડિયા પર વાયરલ થઈ રહી છે
વર્લ્ડ કપની ફાઈનલ મેચમાં ભારતને કારમી હારનો સામનો કરવો પડ્યો હતો. ઓસ્ટ્રેલિયાએ ભારતને છ વિકેટે હરાવીને વર્લ્ડ કપ જીત્યો હતો. ભારતે તમામ મેચ જીતીને ફાઇનલમાં પોતાનું સ્થાન નિશ્ચિત કરી લીધું હતું પણ ઓસ્ટ્રેલિયાએ ભારતીય ટીમના વિજયરથનો અંત આણ્યો હતો. હાર બાદ સમગ્ર ભારતમાં શોકની ક્ષણ હતી. તમામ ભારતીય સમજી શક્યા ન હતા કે ભારત આ મેચ કેવી રીતે હારી ગયું. હાર બાદ પાકિસ્તાનના પૂર્વ કેપ્ટન શાહિદ આફ્રિદીને લાગ્યું કે આ પરાજય વધુ પડતા આત્મવિશ્વાસને કારણે થયો છે, જેના સંબંધમાં તેની એક તીખી ટિપ્પણી સોશિયલ મીડિયા પર ઝડપથી વાયરલ થઈ રહી છે.
વધુ પડતો આત્મવિશ્વાસ તમને મારી શકે છેઃ આફ્રિદી
ભારતની ઇનિંગ દરમિયાન આફ્રિદી પાકિસ્તાનની ચેન પર લાઇવ હતો. એ સમયે મેન ઇન બ્લુને ઓસ્ટ્રેલિયા સામે પ્રથમ બેટિંગ કરવા માટે આવી હતી. ભારતીય ટીમે તેના ઓપનિંગ બેટ્સમેન શુભમન ગિલને ચાર રનમાં ગુમાવ્યો હતો. જ્યારે કેપ્ટન રોહિત શર્માએ ઓસ્ટ્રેલિયાના બોલરો સામે પોતાની વિસ્ફોટક બેટિંગ ચાલુ રાખી હતી. પોતાની ઇનિંગ દરમિયાન તેણે 31 બોલમાં 47 રન બનાવ્યા હતા. તે કેચ આઉટ થયા બાદ આફ્રિદીનું નિવેદન સામે આવ્યું છે. તેણે કહ્યું, 'જ્યારે તમે રમવાનું ચાલુ રાખો છો, ત્યારે ઓવર કોન્ફિડન્સ પણ વધે છે. તો એ વસ્તુ તમને મારી શકે છે.
વિરાટ અને રાહુલે ટીમને શાનદાર વાપસી અપાવી હતી
ભારતની ખરાબ શરૂઆત બાદ ભારતીય ટીમના સ્ટાર બેટ્સમેન વિરાટ કોહલી અને વિકેટકીપર કેએલ રાહુલે ટીમને ફરીથી સારા ફોર્મમાં લાવી હતી. કોહલી અને કેએલ રાહુલ વચ્ચે 18.3 ઓવરમાં 67 રનની ભાગીદારી થઈ હતી. પરંતુ તેના આઉટ થયા પછી, બાકીની લાઇન-અપ કંઈ ખાસ કમાલ ન બતાવી શકી અને ભારત સમગ્ર દાવમાં માત્ર 240 રનમાં જ આઉટ થઈ ગયું.
આફ્રિદી ભારતીય દર્શકો પર ગુસ્સે છે
ટ્રેવિસ હેડ અને માર્નસ લાબુશેન વચ્ચેની ચોથી વિકેટ માટે 192 રનની શાનદાર ભાગીદારીના આધારે ઓસ્ટ્રેલિયાએ સાત ઓવર બાકી રહેતા લક્ષ્યનો પીછો કર્યો હતો. ફાઈનલ પછી આ જ ચેનલ પર બોલતા આફ્રિદીએ હેડના પ્રયત્નોની કદર ન કરવા બદલ ભારતીય દર્શકો પર ગુસ્સો કર્યો હતો. તેણે કહ્યું, 'મને લાગે છે કે આપણે બધાએ અમારી કારકિર્દીમાં કોઈને કોઈ તબક્કે આનો અનુભવ કર્યો છે. જ્યારે પણ અમે ચોગ્ગા ફટકાર્યા કે સદી ફટકારી કે વિકેટ લીધી, ત્યારે (ભારતીય) ભીડ તરફથી ક્યારેય કોઈ પ્રતિક્રિયા આવી ન હતી. ગઈ કાલે ટ્રેવિસ હેડે સદી ફટકારી ત્યારે દર્શકોમાં મૌન છવાઈ ગયું હતું. શા માટે? રમતપ્રેમી રાષ્ટ્ર હંમેશા દરેક એથ્લેટ અને તેમના પ્રયત્નોની પ્રશંસા કરે છે, પરંતુ ભારતીય ભીડ, જે કહેવાતી શિક્ષિત ભીડ છે, એમના તરફથી તે ન મળવું આશ્ચર્યજનક હતું. તે એટલી મોટી સદી હતી કે ઓછામાં ઓછા કેટલાક લોકો ઉભા થઈને તાળીઓ પાડી શકે. અને જે રીતે ટીમની બોડી લેંગ્વેજ ઘટી રહી હતી, તે જ રીતે ભીડમાં પણ થઈ રહ્યું હતું.
