ઇલેક્શન 2022 / સોમા પટેલની પીછે 'હઠ', વઢવાણ બેઠક પર અપક્ષમાંથી ફોર્મ પરત ખેંચ્યુ, હવે કયા ઘરના કે ઘાટના તે મોટો સવાલ

Kishor

Last Updated: 06:54 PM, 17 November 2022

FOLLOW ON

શેર કરો

ભાજપમાંથી ટિકિટ ન આપતા સોમા પટેલે અપક્ષમાંથી ઉમેદવારી નોંધાવી હતી. ત્યારબાદ આજે ફોર્મ પરત ખેંચી લીધું છે.

સુરેન્દ્રનગરમાં સોમા પટેલે અપક્ષમાંથી ફોર્મ પરત ખેંચ્યુ
ભાજપે ટિકિટ ન આપતા સોમા પટેલે નોંધાવી હતી અપક્ષમાંથી ઉમેદવારી
ફોર્મ પરત ખેંચવાના છેલ્લા દિવસે 9 ફોર્મ પરત ખેંચાયા

ગુજરાત ચુંટણીને લઇને સુરેન્દ્રનગરમાં સોમા પટેલે અપક્ષમાંથી ફોર્મ ભર્યું હતું. જે આજે પરત ખેંચી લીધું છે. ભાજપે ટિકિટ ન આપતા સોમા પટેલ નારાજ થયા હતા અને અપક્ષમાંથી ઉમેદવારી નોંધાવી હતી. સુરેન્દ્રનગરની વઢવાણ બેઠક પર ભાજપ-કોંગ્રેસ સહીત કુલ 22 ફોર્મ ભરાયા હતા. ત્યારબાદ ફોર્મ પરત ખેંચવાના છેલ્લા દિવસે 9 ફોર્મ પરત ખેંચાયા હતા. જેને લઇને વઢવાણ બેઠક પર હવે 13 ઉમેદવારો ચુંટણી જંગમાં મેદાને હોવાનું સામે આવ્યું છે.

સોમાભાઇએ અપક્ષ ફોર્મ પરત લીધું
ભાજપ અને કોંગ્રેસમાંથી સાંસદ બનેલા મોટા ગજાના નેતા સોમાભાઇએ 2019માં લીંબડી-સાયલા બેઠક પરથી રાજીનામુ ધરી દીધું હતું. સમાજના ટેકાને લઇને પક્ષપલટો કરતા સોમાભાઈ આ વખતે અપક્ષમાંથી ચુંટણી જંગમાં ઉતાર્યા હતા. જોકે આજે તેમણે પોતાનું અપક્ષ ફોર્મ પરત લીધું છે. ઉલ્લેખનિય છે કે પ્રથમ તબક્કા માટે ફોર્મ પરત ખેચવાનો આજે અંતિમ દિવસ હતો.