ફ્રોડ / જ્યાં ત્યાં એડ ન થતાં ! વોટ્સએપ ગ્રપમાં એડ કરીને ઉપાડ્યાં 1.88 કરોડ, કિસ્સો જાણવા જેવો

વોટ્સએપ ગ્રુપમાં એડ થવું પણ ખજાનો ખાલી કરાવી શકે છે. આ વાતની સાક્ષી પૂરતી એક ઘટનામાં વોટ્સએપ ગ્રુપમાં એડ કર્યાં બાદ એક શખ્સને પોણા બે કરોડનો ચૂનો લાગ્યો હતો. ખાસ કરીને અજાણ્યા વોટ્સએપ ગ્રુપમાં એડ થવાથી આર્થિક નુકશાન થઈ શકે છે.

કેવી રીતે આચર્યું કૌભાંડ

મહારાષ્ટ્રના થાણેમાં કોચિંગ ક્લાસના માલિક શેર ટ્રેડર સાથે વોટ્સએપ દ્વારા 1.88 કરોડની છેતરપિંડી થઈ છે. ફરિયાદીના જણાવ્યા અનુસાર, એક અજાણ્યા વ્યક્તિએ તેને માર્ચમાં વોટ્સએપ ગ્રુપ 'સ્ટોક વેનગાર્ડ (એફ)'માં એડ કર્યો હતો. વોટ્સએપ ગ્રુપમાં 170 સભ્યો હતા અને સ્ટોક ટિપ્સ તેમજ શેર ટ્રેડિંગ અંગેની સલાહ નિયમિત પણે પોસ્ટ કરવામાં આવતી હતી. ફરિયાદીને આ સલાહ વિશ્વસનીય લાગી હતી અને તેણે ભલામણ કરેલા શેર્સમાં નાણાંનું રોકાણ કર્યું હતું. ત્યાર બાદ પોતાની ઓળખ ઈશા, દિવ્યા અને રાજ રૂપાણી તરીકે આપનાર ત્રણ વ્યક્તિઓએ તેમનો સંપર્ક સાધ્યો હતો, તેમનો વિશ્વાસ મેળવવા માટે તેમને અમુક પ્રકારનું 'સેબી સર્ટિફિકેટ' બતાવ્યું હતું અને તેમને જણાવ્યું હતું કે તેઓ સીઆઇએનઇએન/આઈસી સર્વિસીસ નામની એપ્લિકેશન દ્વારા રોકાણ કરીને જંગી નફો મેળવી શકે છે. ફરિયાદી આરોપીઓની લાલચમાં આવી ગયો હતો અને તેણે કહ્યાં પ્રમાણે 1.88 કરોડનું રોકાણ કર્યું હતું પરંતુ જ્યારે પૈસા પાછા માગ્યા ત્યારે કોઈ જવાબ મળ્યો નહોતો.

વધુ વાંચો : મેડિકલ સ્ટોરમાંથી બધા કોન્ડોમ ખાલી થતાં હેરાની, ક્યાં વપરાયાં? તપાસમાં ભયાનક ઘટસ્ફોટ

જ્યાં ત્યાં એડ ન થતાં

આ ઘટનાથી ચેતવા જેવું એ છે કે અજાણ્યા વોટ્સએપ ગ્રુપમાં એડ થવું ખતરાથી ખાલી નથી. આર્થિક નુકશાન પણ થઈ શકે છે.