લેવાયું કે દીધું? / સૈમ પિત્રોડાએ ઈન્ડિયન ઓવરસીઝ કોંગ્રેસના અધ્યક્ષ પદેથી આપ્યું રાજીનામું, રંગભેદ વિવાદ નડ્યો

રંગભેદી નિવેદનના વિવાદ બાદ સામ પિત્રોડાએ ઈન્ડિયન ઓવરસીઝ કોંગ્રેસના પ્રમુખ પદેથી રાજીનામું આપી દીધું છે. કોંગ્રેસના રાષ્ટ્રીય મહાસચિવ જયરામ રમેશે આ માહિતી આપી હતી. તેણે X પર લખ્યું- 'પિત્રોડાએ પોતાની મરજીથી રાજીનામું આપ્યું છે, જેને સ્વીકારી લેવામાં આવ્યું છે. તાજેતરમાં વંશીય ટિપ્પણી કરવાને કારણે વિવાદમાં આવેલા સામ પિત્રોડાએ ઈન્ડિયન ઓવરસીઝ કોંગ્રેસના પ્રમુખ પદેથી રાજીનામું આપી દીધું છે. X પર પોસ્ટ કરતી વખતે જયરામ રમેશે માહિતી આપી હતી કે સામ પિત્રોડાએ પોતાની મરજીથી આ પદ પરથી રાજીનામું આપ્યું છે.

ભારતના લોકોની ચીન સાથે સરખામણી

સામ પિત્રોડાએ ફરી એકવાર વિવાદાસ્પદ નિવેદન આપ્યું હતું. તેમણે ભારતીયોની વિવિધતાનો ઉલ્લેખ કરતા આ ટિપ્પણી કરી હતી. તેઓ ભારતની વૈવિધ્યસભર સંસ્કૃતિ પર પોતાના વિચારો વ્યક્ત કરી રહ્યા હતા. આ દરમિયાન તેમણે આ વિવાદાસ્પદ નિવેદન આપ્યું હતું. તેમણે પોતાના નિવેદનમાં કહ્યું કે ઉત્તર ભારતના લોકો ગોરા જેવા દેખાય છે, જ્યારે પૂર્વ ભારતના લોકો ચીની જેવા દેખાય છે. આ નિવેદનમાં આગળ પિત્રોડાએ કહ્યું કે દક્ષિણ ભારતના લોકો આફ્રિકન જેવા દેખાય છે અને પશ્ચિમ ભારતના લોકો આરબ લોકો જેવા દેખાય છે. તેમણે વધુમાં કહ્યું કે, ભારત જેવા વિવિધતાવાળા દેશમાં આજે પણ બધા એક સાથે રહે છે.