બિઝનેસ / અક્ષય તૃતીયા પહેલા સોના-ચાંદીના ભાવમાં તેજી, ખરીદવાનું વિચારતા હોય તો જાણો લેટેસ્ટ રેટ

ઇન્ડિયન બુલિયન માર્કેટમાં સોનું આજે એટલે કે બુધવાર 8 મેના રોજ તેજીમાં 71,725 રૂપિયાથી ખૂલ્યું જે કાલે મંગળવારે 71,668 થી બંધ થયું હતું. આ સાથે ચાંદી પણ 371 રૂપિયાની તેજી સાથે 81,663 રૂપિયા સાથે ખુલી છે. આ બદલાવની અસર દેશભરના અમદાવાદ, મુંબઈ, દિલ્લી, કોલકાતા સહિતના શહેરોમાં થઈ છે.

ઇન્ડિયન બુલિયન એન્ડ જ્વેલરી એસોશિયેશનના આંકડા મુજબ 8 મેના રોજ 23 કેરેટ સોનું 57 રૂપિયા મોંઘું થઈને 71438 પ્રતિ 10 ગ્રામે પહોંચ્યું છે. 22 કેરેટ સોનાની કીંમત 520 રૂપિયા વધીને 65,700 રૂપિયાએ પહોંચી છે. 18 કેરેટ સોનાનો ભાવ 43 રૂપિયા વધી 53,794 અને 14 કેરેટનો ભાવ 33 રૂપિયા વધી 41,959 રૂપિયાએ પહોંચી ગયો છે.

જો કે સોનામાં આ વધારો ઓલ ટાઇમ હાઈ કરતા 1752 અને ચાંદીમાં 1664 રૂપિયા ઓછો છે. ગત 19 એપ્રિલના રોજ સોનું 73,596 રૂપિયાએ પોહચ્યું હતું તો ચાંદી ગત 16 એપ્રિલે 83,632 રૂપિયાએ પહોંચી હતી.

જો GST અને મેકિંગ ચાર્જ લાગે તો ?

સોના ઉપર 24 કેરેટ પર આજના આ ભાવ પ્રમાણે 2151 રૂપિયા GST લાગે જેથી તેની કીંમત 73876 રૂપિયાએ પહોંચી જાય અને જો મેકિંગ ચાર્જ એડ કરવામાં આવે તો ભાવ 81200 રૂપિયાને સ્પર્શી જાય.

વધુ વાંચો: આ કંપનીના IPOનું શેરબજારમાં ધમાકેદાર લિસ્ટિંગ, પહેલા જ દિવસે રોકાણકારોના રૂપિયા થયા ડબલથી વધારે

જો 23 કેરેટ સોના પર 2143 રૂપિયા GST લાગે અને મેકિંગ ચાર્જ એડ કરવામાં આવે તો તેનો ભાવ 81,000 રૂપિયાએ પહોંચે છે. 22 કેરેટ સોના પર ભાવ પ્રમાણે 1971 રૂપિયા જીએસટી અને અલગથી મેકિંગ ચાર્જ જોડવામાં આવે તો પ્રતિ દશ ગ્રામનો રેટ 74,438 રૂપિયા થાય છે.