સાયક્લોન અપડેટ / 'વાવાઝોડું ટકરાશે ત્યારે થોડું નબળું પડશે, સૌથી વધુ અસર ગુજરાતના આ ભાગોમાં થશે, સ્કાયમેટનું અનુમાન

• બિપરજોય વાવાઝોડા અંગે સ્કાયમેટની મોટી આગાહી
• "બિપરજોય વાવાઝોડું ગુજરાત તરફ વધી રહ્યું છે આગળ"
• બિપરજોયની સૌથી વધુ અસર ઉત્તર-પશ્ચિમ ભાગોમાં થશે:સ્કાયમેટ

અતિવિનાશક બિપોરજોય વાવાઝોડું ગુજરાતના દરિયા કિનારાને ઘમરોળવા આવી રહ્યું હોવાથી લોકોમાં ભારે ભય પ્રસરી ગયો છે. રાજ્ય સરકાર દ્વારા આ વાવાઝોડા સામે લડત આપવા યુદ્ધસ્તરે તૈયારીઓ કરવામાં આવી રહી છે. ત્યારે બિપરજોય વાવાઝોડા અંગે સ્કાયમેટની મોટી આગાહી સામે આવી છે. 

'વાવાઝોડું ગુજરાત તરફ આગળ વધી રહ્યું છે'
સ્કાયમેટના જણાવ્યા મુજબ બિપરજોય વાવાઝોડું ગુજરાત તરફ આગળ વધી રહ્યું છે અને બિપરજોયની સૌથી વધુ અસર ઉત્તર-પશ્ચિમ ભાગોમાં થશે તેમજ કચ્છ, મોરબી, જામનગર, પોરબંદરમાં સૌથી વધુ અસર થશે. વધુમાં જણાવ્યું છે કે, વાવાઝોડું જ્યાં પણ લેન્ડફોલ થશે ત્યાં તબાબી મચાવશે

સ્કાયમેટંનું નિવેદન
સ્કાયમેટે જણાવ્યું કે, આ વાવાઝોડાની સ્પીડ 180 કિમીની પરંતુ તે લેન્ડફોલ થશે ત્યારે તેની સ્પીડ ઘટી છે અને 130થી 140 રહેશે. તેમણે જણાવ્યું કે, કચ્છમાં માંડવી, જખૌ તેમજ કંડલા સહિતના વિસ્તારમાં આ વાવાઝોડાની અસર થશે તેમજ જામનગર અને મોરબીમાં પણ આ વાવાઝોડાની અસર થશે.

NDRFની ટીમો તૈનાત
આર્મી સિવાય એનડીઆરએફની ટીમ પણ તૈનાત કરવામાં આવી છે. રાજ્યમાં કુલ 12 એન્ડીઆરએફની ટીમ તૈનાત કરાઈ છે. જ્યારે કેટલીક ટીમને રાજકોટ અને ગાંધીધામમાં તૈનાત કરાઈ છે. જેથી જરૂરિયાતના સમયે તેને સરળતાથી મૂવ કરી શકાય એટલે ત્રણ જેટલી ટીમ રિઝર્વ રાખવામાં આવી છે. કુલ મળીને ગુજરાતમાં 15 ટીમ તૈનાત કરાઈ છે.