મનોરંજન / 'સીતા ભારતની દીકરી છે': આદિપુરુષ ફિલ્મના આ ડાયલોગથી નેપાળમાં મચ્યો હંગામો, મેયર બલેને ટ્વીટ કરીને મેકર્સને આપી ચેતવણી

• ફિલ્મ 'આદિપુરુષ' આજે દેશભરમાં રિલીઝ થઈ છે
• નેપાળમાં ફિલ્મ આદિપુરુષને લઈને હોબાળો 
• નેપાળમાં ફિલ્મની સ્ક્રીનિંગ મોકૂફ રાખવામાં આવી શકે

ઓમ રાઉતના નિર્દેશનમાં બનેલી ફિલ્મ 'આદિપુરુષ' આજે દેશભરમાં રિલીઝ થઈ છે. એક તરફ ફિલ્મને દર્શકો તરફથી ખૂબ જ સારો પ્રતિસાદ મળી રહ્યો છે. બીજી તરફ નેપાળમાં આ ફિલ્મને લઈને ભારે હોબાળો મચી ગયો છે અને ફિલ્મ પર પ્રતિબંધ મૂકવાની માંગ કરવામાં આવી રહી છે. આ જોતાં નેપાળમાં 'આદિપુરુષ'ની સ્ક્રીનિંગ અને રિલીઝ ડેટ પણ મોકૂફ રાખવામાં આવી શકે છે. 

નેપાળમાં ફિલ્મ આદિપુરુષને લઈને હોબાળો 
કાઠમંડુના મેયર બલેન શાહે ગુરુવારે ફિલ્મમાં ડાયલોગ્સની એક લાઇન સામે વાંધો ઉઠાવ્યો હતો, જેમાં સીતાને 'ભારતની પુત્રી' તરીકે દર્શાવવામાં આવી હતી. આ વાતને લઇને એમને સોશિયલ મીડિયા પર લખ્યું કે 'સીતા નેપાળની પુત્રી માનવામાં આવે છે' અને કહ્યું કે નિર્માતાઓ પાસે આ લાઇન બદલવા માટે ત્રણ દિવસનો સમય છે જો તેઓ ઇચ્છે છે કે ફિલ્મ શેડ્યૂલ મુજબ રિલીઝ થાય. આ બાદ મેયર શાહે હિન્દી ફિલ્મો પર પ્રતિબંધ મૂકવાની પણ માંગ કરી છે. હવે જોવાનું એ રહેશે કે મેયર શાહની આ માંગણી 'આદિપુરુષ'ની રિલીઝને કેવી અસર કરશે.

Kathmandu Metro Mayor Balen Shah regarding the recent controversial sentence in the South Indian movie "Adipurush" says, "दक्षिण भारतीय फिल्म आदिपुरुषमा समावेश ‘जानकी भारतीय छोरी हुन्’ भन्ने शब्द जबसम्म नेपालमा मात्र नभई भारतमा पनि सच्चिदैन तब सम्म काठमाडौं महानगरपालिका भित्रका… pic.twitter.com/kwuq6EJMEw

— Routine of Nepal banda (@RONBupdates) June 15, 2023

મેયર બલેને સોશિયલ મીડિયા પર એક ચેતવણી ટ્વિટ કરી હતી 
મેયર બલેને પણ સોશિયલ મીડિયા પર એક ટ્વિટ દ્વારા પોતાનો વિરોધ વ્યક્ત કર્યો હતો અને કહ્યું હતું કે, “જ્યાં સુધી દક્ષિણ ભારતીય ફિલ્મ 'આદિપુરુષ' ફિલ્મનો ડાયલોગ 'જાનકી ભારત કી બેટી હૈ' ના નારાને માત્ર નેપાળમાં જ નહીં, ભારતમાં પણ ખોટું જાહેર કરવામાં ન આવે ત્યાં સુધી કાઠમંડુ મેટ્રોપોલિટન સિટીમાં કોઈપણ હિન્દી ફિલ્મને ચાલવા દેવામાં આવશે નહીં. તેને સુધારવા માટે ત્રણ દિવસનો સમય આપવામાં આવ્યો છે. નેપાળ સેન્સર બોર્ડે વિવાદાસ્પદ સંવાદ પછી ફિલ્મ પાસ કરી, જેમાં દાવો કરવામાં આવ્યો કે 'સીતા ભારતની પુત્રી છે', તેને ફિલ્મમાંથી દૂર કરવામાં આવી હતી.

જણાવી દઈએ કે ઓમ રાઉતે 'આદિપુરુષ'નું નિર્દેશન કર્યું છે. ફિલ્મમાં પ્રભાસ રાઘવની ભૂમિકામાં છે જ્યારે કૃતિ સેનન જાનકીના રોલમાં જોવા મળી રહી છે. જ્યારે સૈફ અલી ખાને લંકેશનો રોલ કર્યો છે અને સની સિંહે લક્ષ્મણનો રોલ કર્યો છે. જ્યારે દેવદત્ત નાગે હનુમાનના રોલમાં છે.