- ભારત - પાકિસ્તાનનાં વિભાજન બાદ મળ્યા ભાઈ - બહેન
- આસપાસ સૌની આંખો ભરાઈ આવી
- સીખ ભાઈની મુસ્લિમ બહેન
ભારત - પાકિસ્તાનનાં વિભાજન બાદ મળ્યા ભાઈ - બહેન
વર્ષ 1947માં ભારત-પાકિસ્તાન વચ્ચે ભાગલા સમયે પોતાના પરિવારથી દૂર થઈ ગયેલી બહેન સાથે 75 વર્ષ બાદ મળીને જલંધરમાં રહેતા અમરજીતસિંહની ખુશી છલકાય છે. પાકિસ્તાનના કતારપુર સ્થિત ગુરુદ્વારાનાં દરબાર સાહેબમાં આ સીખ વડીલની પોતાની મુસ્લિમ બહેન સાથે મુલાકાત થઇ. આ દ્રશ્ય જોઇને એ ભાઈ-બહેન ઉપરાંત, સ્થળ પર હાજર સૌ કોઈની આંખો ભીની થઇ ગઈ.
અમરજીત સિંહનાં મુસ્લિમ માતા-પિતા ભાગલા સમયે પાકિસ્તાન ચાલ્યા ગયા હતા, જ્યારે તેઓ અને તેમની એક બહેન ભારતમાં જ રહી ગયા હતા. પાકિસ્તાનમાં પંજાબ પ્રાંતનાં ગુરુદ્વારા દરબાર સાહેબમાં બુધવારે વ્હીલચેર પર બેઠેલા સિંહની તેમની બહેન કુલસુમ અખ્તર સાથે મુલાકાત દરમિયાન સૌની આંખો ભીની થઇ ગઈ હતી.
ગળે મળીને રડતા રહ્યા ભાઈ - બહેન
રીપોર્ટ અનુસાર, સિંહ પોતાની બહેનને મળવા માટે વિઝા લઈને વાઘા બોર્ડરનાં રસ્તે પાકિસ્તાન પહોંચ્યા હતા. ત્યાં 65 વર્ષીય કુલસુમ પોતાના ભાઈ સિંહને જોઇને પોતાની ભાવનાઓ પર કાબૂ ન રાખી શકી અને બંને એકબીજાને ગળે મળીને રડતા રહ્યા.
ભારતમાં છુટેલા ભાઈ-બહેન વિષે માં પાસેથી સાંભળતી હતી કુલસુમ
કુલસુમે જણાવ્યું કે તે પાકિસ્તાનમાં પેદા થઇ હતી અને ભારતમાં છુટેલા પોતાના ભાઈ અને બહેન વિષે પોતાની માં પાસેથી સાંભળતી હતી. તેમણે કહ્યું કે તેમને આશા છે કે તે ક્યારેક પોતાના ભાઈ અને બહેનને મળી શકશે. તેમણે જણાવ્યું કે અમુક વર્ષો પહેલા તેમના પિતાના એક મિત્ર સરદાર દ્વારા સિંહ ભારતથી પાકિસ્તાન આવ્યા અને તેમની સાથે પણ મુલાકાત કરી.
કુલસુમે જણાવ્યું કે જ્યારે તેમને પહેલી વાર જાણ થઇ કે તેમના અસલી માતા - પિતા પાકિસ્તાનમાં છે અને મુસલમાન છે, તો આ તેમના માટે એક ઝટકો હતો. તેમણે ખુદને દિલાસો આપ્યો કે તેમના પોતાના પરિવાર સિવાય ઘણા અન્ય પરિવાર પણ વિભાજન દરમિયાન એકબીજાથી અલગ થઇ ગયા હતા. સિંહ કહે છે કે તેઓ હંમેશાથી પોતાની સગી બહેન અને ભાઈઓને મળવા માંગતા હતા. તેમણે જણાવ્યું કે આ જાણીને ખુશી થઇ કે તેમના ત્રણ ભાઈ જીવિત છે. જોકે, એક ભાઈ જે જર્મનીમાં હતો, તેનું નિધન થયું છે.
