હેલ્થ ટિપ્સ / એલર્ટ.. એલર્ટ.! વધારે પડતો ફોન જોતાં હોય તો ચેતી જજો, આંખોની રોશની ગુમાવવાનો આવશે વારો, એક્સપર્ટેની આ સલાહ પાળજો

• મોબાઈલનો વધુ પડતો ઉપયોગ હાનિકારક
• આંખોનાં સ્વાસ્થ્ય પર પડી શકે છે અસર
• ગ્લૂકોમા જોખમમાં મૂકાવાથી આંધળાપણું આવી શકે છે

જો તમે દિવસભર મોબાઈલ ચલાવ્યાં કરો છો તો ચેતી જજો કારણકે આ આદત તમારી આંખોની રોશની છીનવી પણ શકે છે. હેલ્થ એક્સપર્ટસ પણ સ્માર્ટફોનનાં સાઈડ ઈફેક્ટસ બાબતે ચેતવણી આપતાં રહે છે. કારણકે તેના સાથે સંબંધિત અનેક ગંભીર સમસ્યાઓ થઈ શકે છે. વધુ પડતો ફોનનો ઉપયોગ કરવાથી ગ્લૂકોમાની બીમારી પણ થઈ શકે છે જેના કારણે આંધળાપણું આવી શકે છે.સ્ક્રીનથી નિકળતી બ્લૂ લાઈટ્સ આંખો માટે ખતરનાક હોય છે. તેથી સ્માર્ટફોનથી આંખોનું રક્ષણ કરવું આવશ્યક છે.

ફોકસ કરવામાં મુશ્કેલી
હેલ્થ એક્સપર્ટસ્ અનુસાર સ્માર્ટફોનની આભાસી દુનિયા મગજને વિચલિત કરી શકે છે. તે મગજ પર ખોટી અસર કરે છે. તેના લીધે ભ્રમની સ્થિતિ પેદા થવા લાગે છે. જે બાળકો વધુ સમય સુધી મોબાઈલનો ઉપયોગ કરે છે તેમને ભણતર પર ફોકસ કરવામાં મુશ્કેલી થાય છે.

મેન્ટલ હેલ્થ પર અસર
સ્માર્ટફોન પર વીડિયોગેમ અને અન્ય એપનો વધુપડતો ઉપયોગ બાળકો સહિત વયસ્કોમાં સ્ટ્રેસ અને ડિપ્રેશનની સ્થિતિ પેદા કરે છે. તે મેન્ટલ હેલ્થને પ્રભાવિત કરે છે. સતત ફોનનો ઉપયોગ કરવાથી માથાનો દુ:ખાવો અને માઈગ્રેનનું પણ જોખમ વધી શકે છે. તેથી તમારે સ્ક્રીન ટાઈમને ઓછો કરવો જોઈએ.

સૂવાનાં એક કલાક પહેલાં ફોન છોડી દેવો
એક્સપર્ટ અનુસાર રાત્રીમાં સૂવાનાં આશરે એક કલાક પહેલાં સ્ક્રીનનો ઉપયોગ બંધ કરી દેવો જોઈએ. આ સિવાય નોટિફિકેશન મેનેજ કરવી જેથી વારંવાર ફોન વાગે ત્યારે આપણું ધ્યાન ફોન તરફ ન જાય. મોબાઈલ પર આઈપ્રોટેક્શન પણ લગાડવું જોઈએ જેથી આંખોને નુક્સાનથી બચાવી શકાય.