પ્રેમીપંખીડાનો ઈશ્ક / શુભમન ગિલ અને સારા તેંડુલકર ફરી આવ્યાં રિલેશનશીપમાં ! બન્યું એવું કે ઉપડી જોરજોરથી ચર્ચા

• શુભમન ગિલ-સારા તેંડુલકરના સંબંધની ફરી ઉપડી ચર્ચા
• સારાએ શુભમનની બહેન શહનિલને ઈન્સ્ટા પર ફોલો કરવાનું શરું કર્યું 
• બન્ને વચ્ચેના સંબંધો સુધર્યા, બન્ને વચ્ચે સુમેળ વધી રહ્યો છે 

બાંગ્લાદેશ સામે શાનદાર સદી ફટકારનાર ટીમ ઇન્ડિયાના સ્ટાર બેટ્સમેન શુભમન ગિલ અને સચિન તેંડુલકરની પુત્રી સારા તેંડુલકરના સંબંધો ફરી વાર ચર્ચામાં આવ્યાં છે. થોડા સમય પહેલા બંનેના બ્રેકઅપના સમાચાર વહેતા થયા હતા જોકે ત્યારે પણ સત્તાવાર રીતે કંઈ કહેવાયું નહોતું પરંતુ હવે ફરી ખબર છે કે શુભમન અને સારાના સંબંધો ફરી એકવાર મજબૂત બન્યા છે. કહેવામાં આવી રહ્યું છે કે આ કપલના સંબંધોમાં હવે બધુ ઠીક છે. એટલું જ નહીં સારા તેંડુલકરે પણ શુભમનની બહેન શહનિલ ગિલને ઈન્સ્ટાગ્રામ પર ફોલો કરવાનું શરૂ કરી દીધું છે.

જૂના સ્ક્રીનશોટ વાયરલ થયા
તમામ અટકળો વચ્ચે શુભમન અને સારા વચ્ચે કેટલાક જૂના સ્ક્રીનશોટ સોશિયલ મીડિયા પર વાયરલ થયા હતા. આમાંથી એકમાં ભારતીય ક્રિકેટરના જન્મદિવસના લાઇવ સેશન દરમિયાન સારાએ કોમેન્ટ કરી હતી - HBDDDDDDD’, જ્યારે હાર્દિક પંડ્યાએ શુભમનનો પગ ખેંચવાની કોમેન્ટ કરી હતી. લખ્યું હતું - તેમના તરફથી સ્વાગત છે.

બન્ને વચ્ચે બ્રેકઅપ થયું હોવાના હતા સમાચાર
ઉલ્લેખનીય છે કે થોડા સમય પહેલા ગિલ અને સારાનું બ્રેકઅપ થયું હોવાના સમાચાર આવ્યાં હતા. બંનેએ એકબીજાને સોશિયલ મીડિયા પર અનફોલો પણ કર્યાં હતાં. ત્યારબાદ શુભમન ગિલનું નામ અભિનેત્રી સારા અલી ખાન સાથે જોડાયું હતું. તે વખતે લોકોએ એવી મજાક પણ કરી હતી કે શુભમનને સારા નામ વિના નથી ચાલતું.