ક્રિકેટ / શુભમન ગિલ પાકિસ્તાન સામેની મેચમાં રમશે? રોહિત શર્માએ આપ્યું અપડેટ, ક્રિકેટ રસિકોની મુંઝવણ દૂર

• શુભમન ગિલ કરી શકે છે મેચમાં વાપસી
• Ind vs Pakમાં શુભમન ગિલ કરી શકે છે ઓપનિંગ બેટિંગ
• કેપ્ટન રોહિત શર્માએ આપ્યું મોટું નિવેદન

ભારત અને પાકિસ્તાનની વચ્ચે વર્લ્ડ કપ 2023ની મેચ આવતી કાલે થવા જઈ રહી છે. આ મેચથી પહેલા ટીમ ઈન્ડિયા માટે સૌથી મોટું ટેન્શન યુવા ઓપનર શુભમન ગિલની ફિટનેસ છે. થોડા સમય પહેલાં ગિલને ડેન્ગ્યૂ થયો હતો જેના લીધે તે કેટલીક મેચ નહોતા રમી શક્યાં. હવે પાકિસ્તાન સામે થવા જઈ રહેલી મેચ પહેલા ટીમ ઈન્ડિયાને મોટી રાહત મળી છે. 

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

કેપ્ટન રોહિત શર્માએ આપ્યું મોટું નિવેદન
ભારતીય કેપ્ટન રોહિત શર્માએ પ્રેસ કોન્ફરન્સ દરમિયાન શુભમન ગિલની આવતીકાલની મેચમાં વાપસી અંગે મોટું નિવેદન આપ્યું હતું. તેમણે કહ્યું કે, “અમે પાકિસ્તાન સામેના મેચને પણ અન્ય મેચની જેમ જ જોઈ રહ્યાં છીએ.અંતિમ બે મેચ રમ્યા એવી જ રીતે આવતીકાલની મેચ પણ રમીશું. આ સિવાય મેચને લઈને અનુભવાતા પ્રેશર પર રોહિત શર્માએ કહ્યું કે પોતાના જ દેશમાં અને પોતાના જ દેશના દર્શકો હોય ત્યારે પ્રેશર જેવું કંઈ લાગતું નથી. શુભમન ગિલની વાપસી પર રોહિત શર્માએ નિવેદન આપ્યું કે ગિલ આવતી કાલની મેચ માટે ૯૯.૯૯%  હાજર રહેશે.”

BCCIનાં પૂર્વ ચીફ સિલેક્ટરનું નિવેદન
BCCI પૂર્વ ચીફ સિલેક્ટર એમએસકે પ્રસાદે કહ્યું કે,“ શુભમન ગિલ ચોક્કસપણે આ મેચ રમશે. તેમને માત્ર તાવ હતો. હવે તે સ્વસ્થ થઈ ગયાં છે.” તેમણે આગળ કહ્યું કે “અમે સાંભળ્યું હતું કે સાવચેતીના ભાગરૂપે ગિલ બીજી મેચ નહોતા રમ્યાં બાકી તેઓ સ્વસ્થ તો થઈ જ ગયાં હતાં. તેમને ડિસ્ચાર્જ પણ કરી દેવામાં આવ્યું છે. પાકિસ્તાન સામે આ એક મહત્વપૂર્ણ મેચ છે. જો તે ફિટ છે તો મને ખાતરી છે કે તે ભારતની પ્લેઈંગ ઈલેવનમાં આવતી કાલે હશે”