બોલિવૂડ / '10 મિનિટ માટે તો હું ક્લિનિકલી મરી જ ગયો હતો...' શ્રેયસ તલપડેએ કહ્યું, આ બે ઉપાયના કારણે હાર્ટઍટેક બાદ મળ્યો પુનર્જન્મ

• બોલિવૂડ એક્ટર શ્રેયસ તલપડેએ આપી માહિતી
• થોડા દિવસો પહેલા આવ્યો હતો હાર્ટઅટેક
• કહ્યું 10 મિનિટ સુધી હું મૃત હતો..

આપણે સૌ જાણીએ જ છીએ કે આજકાલ યુવાનોમાં હાર્ટઅટેકની ઘટના ઘણી સામાન્ય બની ગઈ છે. ખાણી-પીણી અને લાઈફસ્ટાઈલનાં કારણે નાની ઉંમરમાં હાર્ટઅટેક જેવી ગંભીર હેલ્થની સમસ્યાઓનો સામનો કરવો પડતો હોય છે. તેવામાં થોડા દિવસો પહેલાં બોલિવૂડ એક્ટર શ્રેયસ તલપડેને હાર્ટઅટેક આવ્યો હતો. તે પોતાની અપકમિંગ ફિલ્મનો એક્શન સીન શૂટ કરી રહ્યાં હતાં અને એકાએક તેમને છાતીમાં દુખાવો ઉપડ્યો. તેમને તાત્કાલિક હોસ્પિટલ લઈ જવામાં આવ્યું જ્યાં તેમની એંજિયોપ્લાસ્ટી કરવામાં આવી.  આ પહેલાં પણ તેમણે મોતનો સામનો કર્યો છે.

"10 મિનિટ માટે મરી ગયો હતો"
એક્ટરે એક ઈન્ટરવ્યૂ દરમિયાન જણાવ્યું કે તેઓ 10 મિનિટ માટે તો ક્લીનિકલી ડેડ થઈ ગયાં હતાં. આવી સ્થિતિમાં દર્દીનું હદય સંપૂર્ણપણે બંધ થઈ જાય છે અને બ્લડ સપ્લાય પણ બંધ થઈ જાય છે. તેમાંથી પાછા આવવાની ઘણી ઓછી સંભાવના હોય છે.

2 ઉપાયોથી મળે છે બીજો જન્મ
શ્રેયસ તલપડેએ જણાવ્યું કે તેમને હોસ્પિટલમાં દાખલ કર્યા બાદ ડોક્ટરોએ તેમનો જીવ બચાવવા માટે ખૂબ મહેનત કરી. તેમને સતત CPR અને ઈલેક્ટ્રિક શોક આપવામાં આવ્યો હતો. જે બાદ તેમનું હદય ધબકવા માંડ્યું હતું. આ બધું તેમણે મીડિયાને ઘટનાનાં 20 દિવસ બાદ જણાવ્યું.

વાંચવા જેવું:  કેમ વધી રહ્યા છે ભારતમાં હાર્ટઅટેકના કેસ? આજે જ લાઈફસ્ટાઈલની આ આદતો બદલો, નવા રિપોર્ટમાં ખુલાસો

પહેલા પણ આવ્યો છે હાર્ટ અટેક
47 વર્ષીય એક્ટરે જણાવ્યું કે શૂટિંગ સમયે અચાનક તેમને શ્વાસ લેવામાં તકલીફ પડી અને ડાબા હાથમાં દુખાવો થવા લાગ્યો. ચાલવામાં મુશ્કેલી થતી દેખાઈ અને અચાનક જ થાકનો અનુભવ થઈ રહ્યો હતો. આ લક્ષણ મસલ્સ પુલનાં લાગી રહ્યાં હતાં પરંતુ હોસ્પિટલ જતાં સમયે મારો ચહેરો સુન્ન પડી ગયો અને હું બેભાન થઈ ગયો હતો.

શું હતું કારણ?
રિપોર્ટ અનુસાર શ્રેયસ હેલ્ધી ડાયટ અને વર્કઆઉટ ફોલો કરે છે. પણ તેમણે હંમેશા હાઈ કોલેસ્ટ્રોલની સમસ્યાને નજરઅંદાજ કર્યું હતું. એટલું જ નહીં તેમના પરિવારમાં હદય બીમારીની હિસ્ટ્રી પણ રહી છે. આ જ ભૂલનાં કારણે તેમણે આ મોટો હાર્ટઅટેક આવ્યો હતો.