નર્મદાનાં સેલંબામાં શોર્ય જાગરણ યાત્રા પર થયેલ પથ્થરમારા મામલે મહત્વનો ખુલાસો થયો છે. વસીમે લૂંટ અંગે પોલીસ સ્ટેશનમાં ફરિયાદ નોંધાઈ હતી. જે બાબતે પોલીસ દ્વારા તપાસ હાથ ધરાતા આરોપ ખોટા સાબિત થયા હતા.
Share
નર્મદાનાં સેલંબામાં શોર્ય જાગરણ યાત્રામાં થયેલ પથ્થરમારા મામલે ખુલાસો
પોલીસે ગુનાની ગંભીરતા લઈ તપાસ હાથ ધરી હતી
પોલીસ તપાસમાં ફરિયાદીનાં તમામ આરોપો ખોટા સાબિત થયા
નર્મદાનાં સેલંબામાં શોર્ય જાગરણ યાત્રામાં થયેલ પથ્થરમારા મામલે પોલીસ દ્વારા તપાસ હાથ ધરવામાં આવી હતી. ત્યારે પોલીસ દ્વારા હાથ ધરેલ તપાસમાં ફરિયાદી વસીમ દ્વારા જે આરોપો લગાવવામાં આવ્યા છે તે તમામ ખોટા સાબિત થયા છે. ત્યારે વસીમની દુકાનમાં લૂંટનાં CCTV વાયરલ થયા હતા. જે બાદ લૂંટ અંગે પોલીસ સ્ટેશનમાં ફરિયાદ નોંધાઈ હતી.
પુત્રી સાથે જતો હતો ત્યારે બાઈકસવારે હુમલો કર્યાની ફરિયાદ કરી હતી
વસીમે કેટલાક બુકાની ધારકો ધમકી આપતા હોવાની ફરિયાદ કરી હતી. તેમજ ધમકી ભર્યા પત્ર બાદ વસીમે વધુ એક ફરિયાદ પોલીસમાં કરી હતી. જેમાં વસીમ પુત્રી સાથે જતો હતો. ત્યારે બાઈક સવારે હુમલો કર્યાની ફરિયાદ વસીમે પોલીસ મથકે કરી હતી. જે બાબતે પોલીસ દ્વારા વસીમ દ્વારા કરાયેલ તમામ ફરિયાદોની પોલીસે તપાસ હાથ ધરતા ફરિયાદી વસીમનાં આરોપ ખોટા સાબિત થયા હતા.
શોર્ય યાત્રામાં પથ્થરમારો કર્યો હતો
હુમલો થયો નથી પણ વસિમે જાતે બ્લેડના ઘા માર્યા હતા
પોલીસ દ્વારા વસીમે નોંધાવેલ ફરિયાદને ગંભીરતાથી લઈ તે બાબતે તપાસનાં ચક્રોગતિમાન કર્યા હતા. પોલીસ તપાસમાં બહાર આવ્યું હતું કે, વસીમે બીજા પાસે ધમકી ભર્યા કોલ કરાવ્યાની વાત પોલીસ તપાસમાં બહાર આવી છે. તેમજ વસીમ પર કોઈ પણ હુમલો થયો નથી. જેમાં વસીમે જાતે જ બ્લેડનાં ઘા માર્યા હતા.
પ્રશાંત સુંબે (પોલીસ અધિક્ષક, નર્મદા)
પોલીસે વસીમ સામે ગુનો નોંધી તપાસ હાથ ધરી
વસીમ દ્વારા પોલીસ મથકે નોંધાવેલ ફરિયાદ અનુસાર પોલીસ દ્વારા આ બાબતે તપાસ હાથ ધરી હતી. નર્મદા પોલીસે સંપૂર્ણ તપાસ બાદ અનેક ખુલાસાઓ કર્યા હતા. આ બાબતે પોલીસે વસીમ સામે વધુ એક ગુનો નોંધી આગળની તપાસ હાથ ધરી હતી.
