Aryan Khan Drug Case / આર્યન ખાન માટે શિવસેના સુપ્રીમમાં, કહ્યું આ રીતે 17 રાત સુધી જેલમાં રાખવો ગેરકાયદેસર

શિવસેના સુપ્રીમમાં

મુંબઈની ક્રૂઝ ડ્રગ્સ પાર્ટીમાં ધરપકડ કરાયેલા આર્યન ખાનના અધિકારોનું રક્ષણ કરવા માટે હવે શિવસેનાએ સુપ્રીમ કોર્ટમાં અરજી કરી છે. 
આ સાથે મુંબઈમાં NCB ની ભૂમિકાની તપાસની માંગ પણ કરવામાં આવી છે. અરજીમાં સુપ્રીમ કોર્ટના સીટિંગ જજ પાસે આર્યનના મૂળભૂત અધિકારોના ઉલ્લંઘનની તપાસ હાથ ધરવાનો આદેશ કરવામાં આવે એવી માંગ કરવામાં આવી હતી. 

આર્ટીકલ 32 હેઠળ શિવસેનાએ અરજી કરી હતી
બંધારણની કલમ 32 હેઠળ અરજી આપતા રાજ્ય મંત્રી કિશોર તિવારીએ CJI NV રમન્નાને "ઉચ્ચ પ્રાથમિકતા" ના આધારે આ મામલામાં દખલ કરવાની વિનંતી કરી. તેમણે કહ્યું કે, છેલ્લા બે વર્ષથી 'ખરાબ ભાવનાં' સાથે, NCB પક્ષપાતી અભિગમ અપનાવી રહી છે અને ફિલ્મી હસ્તીઓ, મોડેલો અને અન્ય હસ્તીઓને પરેશાન કરી રહી છે.

આર્ટીકલ 32 શું છે
આર્ટીકલ 32 હેઠળ, સુપ્રીમ કોર્ટ અને CJI બંધારણના ભાગ ત્રણ હેઠળ હેઠળ  મૂળભૂત અધિકારોના ઉલ્લંઘનને લગતી દરેક બાબતોની નોંધ લેવા માટે બંધાયેલા છે, જેનું NCB ઉલ્લંઘન કરી રહ્યું છે. તેમણે જણાવ્યું હતું કે, વિશેષ એનડીપીએસ કોર્ટે (મુંબઈ) આર્યન ખાન અને અન્ય આરોપીઓની જામીન અરજી જાહેર રજાને ટાંકીને, 20 ઓક્ટોબર સુધી સ્થગિત કરી હતી.  આર્યન ખાનને 17 રાત માટે ગેરકાયદેસર જેલમાં રાખવામાં આવ્યો હતો એવું શિવસેનાનું કહેવું છે. આ બંધારણનાં "રાઇટ ટુ લિવ" મૂળભૂત અધિકારનું સંપૂર્ણ ઉલ્લંઘન છે.

સારા નાગરિક બનીને દેશની સેવા કકરીશ: આર્યન ખાન
ક્રૂઝ ડ્રગ્સ પાર્ટી કેસમાં ધરપકડ કરાયેલા આર્યન ખાને સોમવારે જેલમાં કાઉન્સેલિંગ દરમિયાન કહ્યું હતું કે તે એક સારો નાગરિક બનશે અને દેશની સેવા કરશે. NCB મુંબઈના પ્રાદેશિક નિયામક સમીર વાનખેડે પોતે આર્યનનું કાઉન્સેલિંગ કર્યું હતું અને તેમને ડ્રગ્સથી દૂર રહેવાની સલાહ પણ આપવામાં આવી હતી.

તમામ આરોપીઓની ધરપકડ કર્યા બાદ સમીર વાનખેડેએ તેમનું કાઉન્સેલિંગ કર્યું. કસ્ટડી દરમિયાન દરરોજ બે થી ત્રણ કલાક માટે આ રીતે ડિસ્કશન કરવામાં આવે છે. જેમાં મુંબઈના ઈસ્કોન મંદિરના પૂજારી અથવા મૌલાના કે અન્ય વિદ્વાનોની સાથે બિનસરકારી સંસ્થાઓની મદદ પન લેવામાં આવે છે.