બિઝનેસ / કડડભૂસ થયું શેરબજાર: સેંસેક્સ 796 પોઈન્ટ તૂટ્યો, લોકોના 3 લાખ કરોડ રૂપિયા સ્વાહા, જાણો કયા શેરના ભાવ થયા ધડામ

• સેંસેક્સમાં આજે મોટો કડાકો
• 800 જેટલા પોઈન્ટસ જેટલો ઘટાડો
• HDFC બેંકનાં શેર બન્યો ટોપ લૂઝર

ગણેશ ચતુર્થીની રજા બાદ આજે શેર બજારમાં ભારે ઘટાડો નોંધાયો. હેવી વેટ શેરમાં ચારેય તરફ વેંચાણને લીધે BSE સેંસેક્સ 796 અંકથી નીચે પડ્યો. ઘટાડા બાદ 66800.84 અંક પર બંધ થયો. સેંસેક્સમાં શામેલ 30માંથી માત્ર 6 શેર ગ્રીન સાઈન પર બંધ થયાં જ્યારે બાકીનાં 24માં મોટો ઘટાડો થયો. HDFC બેંકનાં શેર 3.84%થી ઘટીને 1565.50 રૂપિયા પર બંધ થયાં. રિલાયંસનાં શેરોમાં પણ 2%નો ઘટાડો થયો.

નિફ્ટી50ની સ્થિતિ 
નિફ્ટી50 222.85 અંકનાં ઘટાડા સાથે 19910.45નાં અંક પર બંધ થયો. બજારમાં આજે રોકાણકારોને ભારે નુક્સાન થયું છે. એક દિવસમાં રોકાણકારોનાં લાખો રૂપિયા ડૂબી ગયાં છે. 18 સપ્ટેમ્બરનાં BSEમાં લિસ્ટેડ કંપનીઓમાં 3.23 લાખ કરોડની મૂડી હતી. આજે બજાર બંધ થઈ ત્યારે લિસ્ટેડ કંપનીઓની મૂડી ઘટીને 3.20 લાખ કરોડ થઈ. એક દિવસમાં રોકાણકારોને 2.34 લાખ કરોડનું નુક્સાન થયું.

સેંસેક્સ 800 પોઈન્ટસ ઘટ્યું
ટ્રેડિંગનાં અંતમાં બોમ્બે સ્ટોક એક્સચેંજનાં 30 શેરોવાળા સેંસેક્સ 796.00 અંકોથી ઘટીને 66800.84 પર બંધ થયું.  સેંસેક્સમાં 23 શેર લાલ નિશાની પર બંધ થયાં જેમાં HDFC બેંક ટોપ લૂઝર બન્યું. આ સિવાય JSW Steel, રિલાયંસ ઈંડસ્ટ્રી, અલ્ટ્રાટેક સિમેન્ટ અને મારુતિ સુઝુકીનાં શેરોમાં 1.45%થી લઈને 2.51% જેટલો ઘટાડો નોંધાયો.