- 'પઠાણ' 10 જૂન શનિવારના રોજ ટીવી પર પ્રીમિયર થઈ હતી
- 300 લોકોએ 'ઝૂમ જો પઠાણ' પર ડાન્સ કર્યો
- શાહરૂખ પણ ચાહકોને શુભેચ્છા આપવા માટે તેની બાલ્કનીમાં બહાર આવ્યો
બોલિવૂડના બાદશાહ શાહરૂખ ખાનની સુપરહિટ ફિલ્મ 'પઠાણ' 10 જૂન શનિવારના રોજ ટીવી પર પ્રીમિયર થઈ હતી. ટીવી પ્રીમિયરને અભિનંદન આપવા શનિવારે શાહરૂખના ઘર 'મન્નત'ની બહાર ચાહકોની મોટી ભીડ એકઠી થઈ હતી. આટલું જ નહીં, ફેન્સે મુંબઈ સ્થિત અભિનેતાના ઘરની બહાર પોતાનો એક નાનકડો શો યોજ્યો હતો.
વાત એમ છે કે પ્રીમિયરના થોડા કલાકો પહેલાં ચાહકો મન્નતની બહાર એકઠા થયા હતા. કેટલાકે ડાન્સ કર્યો અને કેટલાકે સુપરસ્ટારના સન્માનમાં નારા લગાવ્યા હતા. જણાવી દઈએ કે ચાહકોનો પ્રેમ જોઇનએ શાહરૂખ તેના ચાહકોને શુભેચ્છા આપવા માટે તેની બાલ્કનીમાં બહાર આવ્યો અને લોકપ્રિય ગીત 'ઝૂમ જો પઠાણ' પર ડાન્સ કર્યો. ચાહકોના આ કામને કારણે ગિનીસ વર્લ્ડ રેકોર્ડ પણ બની ગયો છે.
શાહરૂખ ખાનના લગભગ 300 જબરા ચાહકો મન્નતની બહાર ખાસ પોઝમાં હાથ ફેલાવીને ઊભા હતા. જે બાદ કિંગ ખાન તેની બાલ્કનીમાં બહાર આવ્યો હતો અને તેના સેંકડો ચાહકોના ચહેરા પર સ્મિત લાવ્યો હતો. એક પ્રવક્તાએ કહ્યું, “અમે યાદગાર ફિલ્મના પ્રીમિયર માટે શાહરૂખ ખાનને ખાસ અભિનંદન આપવા માટે ઉત્સાહિત છીએ. આજની સિદ્ધિ માત્ર એક રેકોર્ડ કરતાં વધુ છે. તે શાહરૂખ ખાનના ચાહકોની એકતા અને તેમના સામૂહિક જુસ્સાનું પ્રતીક છે. આ ગિનિસ વર્લ્ડ રેકોર્ડના ધારકો તરીકે, માત્ર સ્ટાર ગોલ્ડ પર જ નહીં, પરંતુ સમગ્ર વિશ્વમાં શાહરૂખ ખાનના દરેક ચાહક આ સિદ્ધિ પર ખૂબ ગર્વ લઈ શકે છે. શાહરૂખ ખાન અને તેના ચાહકો સાથે સ્ટેજ શેર કરવા બદલ અમે સન્માનિત છીએ.'
નોંધપાત્ર રીતે, SRK એ YRF સ્પાય યુનિવર્સની ચોથી ફિલ્મ 'પઠાણ' સાથે મોટા પડદા પર અવિશ્વસનીય રીતે સફળ પુનરાગમન કર્યું, જેમાં દીપિકા પાદુકોણ, જોન અબ્રાહમ, ડિમ્પલ કાપડિયા, આશુતોષ રાણા અને સલમાન ખાન પણ એક કેમિયોમાં છે. 'પઠાણ' ચીનમાં રિલીઝ થયા વિના વિશ્વભરમાં 1,200 કરોડ રૂપિયાની કમાણી કરનાર પ્રથમ હિન્દી ફિલ્મ બની છે. શાહરૂખ હવે એટલીની 'જવાન' અને રાજકુમાર હિરાનીની 'ડંકી'માં જોવા મળશે.
