- લાલુ યાદવના 'દરવાજો ખુલ્લો છે' નિવેદન પર નીતિશ કુમારની પ્રતિક્રિયા
- કોણ શું કહે છે તેના પર ધ્યાન ન આપો: નીતિશ કુમાર
- નીતીશ કુમારે કહ્યું કે, હવે દરેકને નમન કરવાની મારી આદત છે
Nitish Kuamr Statement : આજે મુખ્યમંત્રી નીતિશ કુમારે RJD સુપ્રીમો લાલુ પ્રસાદ યાદવના 'દરવાજો ખુલ્લો છે' નિવેદન પર રમુજી અને ખૂબ જ કડક જવાબ આપ્યો છે. નીતિશ કુમારે કહ્યું, કોણ શું કહે છે તેના પર ધ્યાન ન આપો. હવે અમે વચ્ચે જે કંઈ ખોટું થયું તેની તપાસ કરીશું. નીતીશ કુમારે કહ્યું કે હવે દરેકને નમન કરવાની મારી આદત છે.
આ સાથે નીતિશ કુમારે કહ્યું કે, તેઓ એ બાજુથી વિધાનસભામાં આવતા હતા અને અમે પણ આ બાજુથી આવતા હતા. આ સમય દરમિયાન અમે મળ્યા અને અમે પ્રણામ કર્યા, પછી તેમણે પણ અમને પ્રણામ કર્યા. નીતિશ કુમારે કહ્યું કે બધું બરાબર નહોતું ચાલી રહ્યું તેથી અમે તેમને છોડી દીધા. હવે જે કંઈ ખોટું થયું છે તેની તપાસ કરીશું.
જાણો શું કહ્યું હતું લાલુ યાદવે ?
શુક્રવારે જ્યારે લાલુ યાદવને પૂછવામાં આવ્યું કે શું નીતિશ કુમાર માટે દરવાજા હજુ પણ ખુલ્લા છે તેના પર લાલુએ કહ્યું હતું કે જો તમારે આવવું હોય તો જોઈ લઈશું. અમારા દરવાજા હંમેશા ખુલ્લા છે. મુખ્યમંત્રી નીતિશ કુમારના પલટવારના કારણે વિપક્ષી પાર્ટીએ તેમના પર પ્રહારો ચાલુ રાખ્યા હતા.
વધુ વાંચો: પૂર્વ CM અને કોંગ્રેસ દિગ્ગજ નેતા હાથનો સાથ છોડી ભાજપમાં જાય તેવી અટકળો, રાજકારણમાં હડકંપ
આ તરફ મોટી વાત તો એ છે કે, લાલુ પ્રસાદ અને તેજસ્વી તેમજ પરિવારના અન્ય સભ્યોએ નીતિશ કુમાર વિરુદ્ધ નિવેદનો આપવામાં ઉતાવળ દર્શાવી ન હતી. જ્યારે નીતીશ સરકાર તેની બહુમતી સાબિત કરી રહી હતી ત્યારે વિપક્ષના નેતા તેજસ્વી યાદવે વિધાનસભામાં ભાજપને પૂછ્યું હતું કે તેની ગેરંટી શું છે કે નીતીશ કુમાર ફરી નહિ પલટે ? પરંતુ આક્ષેપો કરતી વખતે પણ તેજસ્વીએ પોતાનું સંયમ જાળવી રાખ્યું. આ વિશે ઘણી વાતો કહેવામાં આવી રહી હતી, પરંતુ આજે લાલુના નિવેદન બાદ સ્પષ્ટ થઈ ગયું છે કે, રાજકારણમાં કોઈના માટે ક્યારેય કોઈ દરવાજા બંધ નથી થતા.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
