એલર્ટ / મુંબઈમાં ફરી 26/11 જેવો હુમલો થશે, પાકિસ્તાની નંબર પરથી ધમકીભર્યો મેસેજ મળતા સુરક્ષા એજન્સીઓ થઈ દોડતી

• મુંબઈ પોલીસના ટ્રાફિક કંટ્રોલને ધમકીભર્યો મેસેજ મળતાં સુરક્ષા એજન્સીઓ એક્શનમાં
• મેસેજમાં લખ્યું છે કે મુંબઈમાં 26/11નો બીજો હુમલો થવાની શક્યતા 
• ધમકીભર્યો મેસેજ પાકિસ્તાની નંબર પરથી આવ્યો, સુરક્ષા એજન્સીઓ સતર્ક 

મુંબઈ પોલીસના ટ્રાફિક કંટ્રોલને ધમકીભર્યો મેસેજ મળ્યા બાદ સુરક્ષા એજન્સીઓ એક્શનમાં આવી ગઈ છે.  વાત જાણે એમ છે કે, મુંબઈ પોલીસના ટ્રાફિક કંટ્રોલને ધમકી આપનાર વ્યક્તિએ વોટ્સએપ નંબર પર એક મેસેજમાં લખ્યું છે કે મુંબઈમાં 26/11નો બીજો હુમલો થવાની શક્યતા છે.  જેને લઈ હવે સુરક્ષા એજન્સીઓ એક્શનમાં આવી ગઈ છે અને આ મામલે ઝીણવટભરી તપાસ હાથ ધરી છે. 

ફરી 26/11 જેવો હુમલો થશે ? 

મુંબઈ પોલીસના ટ્રાફિક કંટ્રોલને ધમકીભર્યો મેસેજ મળ્યા બાદ હડકંપ મચી ગયો છે. ધમકી આપનાર વ્યક્તિએ ટ્રાફિક કંટ્રોલના વોટ્સએપ નંબર પર એક મેસેજમાં લખ્યું છે કે, મુંબઈમાં 26/11નો બીજો હુમલો થવાની શક્યતા છે. આ ધમકીભર્યો મેસેજ પાકિસ્તાની નંબર પરથી આવ્યો છે. મેસેજરે લખ્યું છે કે, જો તમે લોકેશન ટ્રેસ કરશો તો તે ભારતની બહાર દેખાશે અને બ્લાસ્ટ મુંબઈમાં થશે. આ મેસેજમાં કહેવામાં આવ્યું છે કે, ભારતમાં 6 લોકો આ કામ કરશે. 

ધમકીભર્યા મેસેજ બાદ સુરક્ષા એજન્સીઓ સતર્ક 

ટ્રાફિક કંટ્રોલને ધમકીભર્યો મેસેજ મળ્યા બાદ હવે સુરક્ષા એજન્સીઓ સતર્ક બની ગઈ છે. આ તરફ મુંબઈ પોલીસ પણ આ મામલે તપાસ કરી રહી છે. આ સાથે અન્ય એજન્સીઓને પણ આ અંગે જાણ કરવામાં આવી છે. ધમકી આપનાર મેસેજરે લખ્યું છે કે, જો તમે લોકેશન ટ્રેસ કરશો તો તે ભારતની બહાર દેખાશે અને બ્લાસ્ટ મુંબઈમાં થશે. આ મેસેજમાં કહેવામાં આવ્યું છે કે, ભારતમાં 6 લોકો આ કામ કરશે.