- સરકાર દ્વારા વધુ એક વખત ભ્રષ્ટાચારીઓ વિરુદ્ધ મોરચો
- બે સચિવ સ્તરના અધિકારીઓને પદ પરથી હટાવી દેવામાં આવ્યા
- અધિકારીઓમાં સોપો પડી ગયો
કેન્દ્રની મોદી સરકાર દ્વારા વધુ એક વખત ભ્રષ્ટાચારીઓ વિરુદ્ધ મોરચો ખેલવામાં આવ્યો છે. જેમાં બે સચિવ સ્તરના અધિકારીઓને સામે તાબડતોબ પગલાં લઈ પદ પરથી હટાવી દેવામાં આવ્યા છે. શંકાસ્પદ ભૂમિકાને પગલે સચિવ સ્તરના અધિકારીઓ સામે આવા આકરા પગલા ભરાતા ભ્રષ્ટ અધિકારીઓમાં ફફટાડ ફેલાયો છે. દેશમાં ભ્રષ્ટાચારની રાવ ઉઠતા અધિકારીઓ સામે પગલાં ભરી તેમને નોકરીમાંથી કાઢી મૂકવા સહિતના પગલાં લેવાય રહ્યા છે. તેવામાં મોદી સરકારે કેન્દ્રીય ટેલિકોમ મંત્રાલયના અધિક ખાનગી સચિવ જયેશ એન રાવલ અને સહાયક ખાનગી સચિવ રાહુલ ઘોષને તાત્કાલિક અસરથી ઘરભેગા કરી દીધા છે. જેને લઈને અધિકારીઓમાં સોપો પડી ગયો છે.
નિમણૂક તાત્કાલિક અસરથી રદ કરવામાં
કેન્દ્રીય સંચાર રાજ્ય મંત્રી દેવું સિંહ ચૌહાણમાં મંત્રાલયના કર્મીને સસ્પેન્ડ કરાયા છે. મંત્રાલય વતી આ અંગેની સત્તાવાર માહિતી વેબસાઇટ પર મૂકી દેવામાં આવી છે. જેમાં જણાવ્યા અનુસાર 16 જૂન, 2023 થી, આ બંને અધિકારીઓને તેમની ફરજોમાંથી મુક્ત કરવામાં આવ્યા હતા તેમજ તેમની નિમણૂક તાત્કાલિક અસરથી રદ કરવામાં આવી છે.
ભ્રષ્ટાચારના આરોપસર હટાવી દેવામાં આવ્યા
રાજ્યકક્ષાના મંત્રીની લીલીઝંડી બાદ આવી વાતચીત કરવામાં આવી છે. કેન્દ્ર સરકારના અન્ડર સેક્રેટરી સુમિશ દ્વારા જારી કરાયેલા પત્ર અનુસાર, જયેશ એન રાવલને 6 ઓગસ્ટ 2021ના રોજ મંત્રાલયમાં આ પદ પર નિયુક્ત કરવામાં આવ્યા હતા. જ્યારે રાહુલ ઘોષને 1 સપ્ટેમ્બરે મંત્રાલયમાં ફરજ સોંપાઈ હતી.બનેં અધિકારીઓને ભ્રષ્ટાચારના આરોપસર હટાવી દેવામાં આવ્યા હોવાનું સૂત્રો માંથી માહિતી મળી રહી છે.
