ફાયદાની વાત / મ્યુચ્યુઅલ ફંડ-ડીમેટ એકાઉન્ટ ધારકોને મોટી રાહત, લંબાવાઇ નોમિની જોડવાની ડેડલાઇન, હવે આ છે અંતિમ તારીખ

• સેબી દ્વારા નોમિનેશનની છેલ્લી તારીખ લંબાવાઈ
• 31મી ડિસેમ્બર એ છેલ્લી તારીખ હતી
• નોમિની સબમિટ કરવાની છેલ્લી તા. 30 જૂન 2024 કરાઈ છે

બજાર નિયમનકર્તા સેબી દ્વારા મ્યુચ્યુઅલ ફંડ અને ડીમેટ એકાઉન્ટ્સમાં નોમિનેશનની છેલ્લી તારીખ લંબાવવામાં આવી છે. નોમિની જાહેર કરવાની 31મી ડિસેમ્બર એ છેલ્લી તારીખ હતી..જેમાં બદલાવ લાવીને હવે વધુ છ મહિનાનો સમય આપવામાં અપાયો છે અને હવે નોમિની સબમિટ કરવાની છેલ્લી તા. 30 જૂન, 2024 કરાઈ છે.

હજુ સુધી લોકો આ પતાવી શક્યાં નથી
સેબીના નિયમો અનુસાર વાત કરવામાં આવે તો 30 જૂન, 2024 સુધી મ્યુચ્યુઅલ ફંડ અને ડીમેટ એકાઉન્ટ્સ ચલાવતા રોકાણકારોએ કાં તો નોમિનેશન ફાઇલ કરવું પડશે અથવા તેઓ નોમિનીને જાહેર ન કરવાનું પસંદ કરી શકશે. ઘણા લોકોને આ કામ બાકી છે એટલે કે હજુ સુધી લોકો આ પતાવી શક્યાં ન હોવાથી બજાર નિયામકર્તા સેબી દ્વારા સમય અવધીમાં સુધારો કરવામા આવ્યો છે. આ માટે સેબીએ 27 ડિસેમ્બરે એક પરિપત્ર જારી કર્યો છે. જે લોકો તેમના નોમિની જાહેર નથી કરતા તેમણે એફિડેવિટ આપવી પડશે. 

પહેલા તારીખ 30મી સપ્ટેમ્બર અને પછી 31મી ડિસેમ્બર હતી.
થોડા સમય અગાઉ છેલ્લી તા. 30 સપ્ટેમ્બર હતી. બાદમાં સેબીએ 31 ડિસેમ્બર સુધી લંબાવી હતી. જે હવે નજીક આવી રહી છે. પરંતુ હજુ પણ આ કામ બાકી હોવાથી જો સમયમર્યાદા લંબાવવામાં ન આવી હોત, કારણકે તેઓને મ્યુચ્યુઅલ ફંડ પોર્ટફોલિયો અને ડીમેટ ખાતાઓમાં મુશ્કેલી ઉભી થાય તેવી સ્થિતિ સર્જાવાની શકયતા વર્તાઈ રહી હતી. CAMSના ડેટા અનુસાર, સપ્ટેમ્બરના અંત સુધી લગભગ 25 લાખ પાન કાર્ડ ધારકો તેમના નોમિની અપડેટ કરી શક્યા ન હતા.