- ફ્લોપ હિન્દી ફિલ્મો વિશે વાત કરતાં સલમાન ખાને કહી આ વાત
- ફિલ્મો જ ખોટી બની રહી છે એટલે જ તે બોક્સ ઓફિસ પર ફ્લોપ જાય છે
- 'ખરાબ ફિલ્મો બનાવશો તો તે કેવી રીતે ચાલશે?'
સલમાન ખાન આ દિવસોમાં તેની આવનારી ફિલ્મ 'કિસી કા ભાઈ કિસી કી જાન'ને લઈને ખૂબ ચર્ચામાં છે. જણાવી દઈએ કે ફિલ્મની રિલીઝ પહેલા સલમાને એક એવોર્ડ શોની પ્રેસ કોન્ફરન્સમાં હાજરી આપી હતી અને એ વાતચીત દરમિયાન સુપરસ્ટારે બોલિવૂડની ફિલ્મો વિશે ઘણી વાતો કરતાં એમ પણ જણાવ્યું હતું કે ફિલ્મો બોક્સ ઓફિસ પર સતત ફ્લોપ થઈ રહી છે તેની પાછળ શું કારણ છે.
શા માટે ફિલ્મો ફ્લોપ થઈ રહી છે?
ફ્લોપ હિન્દી ફિલ્મો વિશે વાત કરતાં સલમાન ખાને કહ્યું હતું કે 'ફિલ્મો જ ખોટી બની રહી છે એટલે જ તે બોક્સ ઓફિસ પર ફ્લોપ જાય છે. ફિલ્મ મેકર્સને લાગે છે કે તેઓ શાનદાર ફિલ્મો બનાવી રહ્યા છે પણ એવું નથી. હું ઘણા સમયથી આ વાત કહી રહ્યો છું કે હિન્દી ફિલ્મો ચાલી રહી નથી.'
'ખરાબ ફિલ્મો બનાવશો તો તે કેવી રીતે ચાલશે?'
આગળ સલમાન ખાને કહ્યું કે, 'જો તમે ખરાબ ફિલ્મો બનાવશો તો તે કેવી રીતે ચાલશે?' હવે દરેકના મનમાં આવું થાય છે અમે 'મુગલ-એ-આઝમ' 'શોલે' 'હમ આપકે હૈ કૌન' અને 'દિલવાલે દુલ્હનિયા' જેવી ફિલ્મો બનાવી રહ્યા છે. હું ઘણા નિર્દેશકોને મળ્યો છું અને તેઓ અંધેરીથી કોલાબા સુધી જ સમગ્ર ભારત સમજે છે. એમને એટલું કહીશ કે એ સમગ્ર ભારત નથી. રેલવે સ્ટેશનની બીજી બાજુ પણ હિન્દુસ્તાન છે. આજકાલના બધા જ દિગ્દર્શકોને લાગે છે કે તેઓ શાનદાર ફિલ્મો બનાવશે પણ એવું થતું નથી.'
21 એપ્રિલે સિનેમાઘરોમાં રિલીઝ થશે ફિલ્મ
સલમા ખાન દ્વારા નિર્મિત કિસી કા ભાઈ કિસી કી જાનનું નિર્દેશન ફરહાદ સામજી દ્વારા કરવામાં આવ્યું છે. આ ફિલ્મમાં સલમાન ખાન, વેંકટેશ દગ્ગુબાતી, પૂજા હેગડે, જગપતિ બાબુ, ભૂમિકા ચાવલા, વિજેન્દર સિંહ, અભિમન્યુ સિંહ, રાઘવ જુયલ, સિદ્ધાર્થ નિગમ, જસ્સી ગિલ, શહેનાઝ ગિલ, પલક તિવારી અને વિનાલી ભટનાગર છે. સલમાન ખાનની ફિલ્મમાં એક્શન, કોમેડી, ડ્રામા અને રોમાન્સ ભરપૂર જોવા મળશે અને આ ફિલ્મ 2023ની ઈદ પર રિલીઝ થવાની છે
