- સલમાને ફેંસ સાથે શેર કર્યો નવો ફોટો
- બિલકુલ ફિટ અંદાજમાં જોવા મળ્યા ભાઈજાન
- 57ની ઉંમરમાં ફિટનેસ જોઈ ફેંસ થયા દિવાના
બોલિવુડ સુપરસ્ટાર સલમાન ખાન પોતાની એક્ટિંગની સાથે સાથે પોતાની પર્સનલ લાઈફને લઈને પણ ચર્ચામાં રહે છે. હાલમાં જ શાહરૂખ ખાને ચાર વર્ષ બાદ ફિલ્મ પઠાણથી સિલ્વર સ્ક્રીન પર વાપસી કરી હતી. ત્યાં જ હવે ભાઈજાન ચાર વર્ષ બાદ 'કિસી કા ભાઈ કિસી કી જાન'ની સાથે સિલ્વર સ્ક્રીન પર વાપસી કરવાના છે.
સલમાને ફેંસ સાથે શેર કર્યો ફોટો
જણાવી દઈએ કે ફિલ્મ 'કિસી કા ભાઈ કિસી કી જાન' પોતાની રિલીઝના નજીક છે. એવામાં અભિનેતાએ બુધવારે પોતાના ઈન્સ્ટાગ્રામ પર પોતાના સિગ્નેચર વન-લાઈન વિઝડમની સાથે એક ફોટો શેર કર્યો છે. જે ઝડપથી વાયરલ થઈ રહ્યો છે.
જીમથી પોતાની એક તસવીર શેર કરીને અભિનેતાએ કેપ્શનમાં લખ્યું: જીમ અને ડાઈનિંગ ટેબલ, સૌથી સુંદર જગ્યાઓ. તેના માટે પાવર નહીં વિલ પાવર જોઈએ. કેપ્શનનો છેલ્લો ભાગ ફિલ્મના એક ડાયલોગમાંથી લેવામાં આવ્યો છે. જેનો ઈશારો દર્શક ટ્રેલરમાં પણ જોઈ શકે છે.
ફેંસ આપી રહ્યા છે પ્રતિક્રિયા
સલમાનની પોસ્ટ પર પ્રતિક્રિયા આપતા, 'બિગ હોસ'ના કન્ટેસ્ટન્ટ અબ્દુ રોઝિકે કમેન્ટ કરી લખ્યુંઃ અરે યાર મઝા આ ગયા ભાઈ. ફરહાદ સામજી દ્વારા નિર્દેશિત 'કિસી કા ભાઈ કિસી કી જાન'માં સલમાન ખાનની સાથે વેંકટેશ દગ્ગુબાતી, પુજા હેગડે, જગપતિ બાબૂ, ભુમિકા ચાવલા, વિજેન્દર સિંહ, અભિમન્યુ સિંહ, રાઘવ જુયાલ, સિદ્ધાર્થ નિગમ, જસ્સી ગિલ જેવા ઘણા કલાકારો જોવા મળશે.
સાથે જ ફિલ્મમાં શહનાઝ ગિલ, પલક તિવારી અને વિનાલી ભટનાગર પણ છે. ફિલ્મ ઈદ પર 21 એપ્રિલે સિનેમાઘરોમાં આવશે. આ ઉપરાંત સલમાન જલ્દી જ ફિલ્મ 'ટાઈગર-3'માં જોવા મળશે. સલમાન 'નો એન્ટ્રી 2'માં પણ જોવા મળશે. તે ઉપરાંત તે ચિરંજીવીની 'ગોડફાધર'માં પણ ખાસ ભુમિકા નિભાવશે.
