કરણ-અર્જુન / સલમાન ખાને સૌથી પહેલા જોયો જવાનનો પ્રિવ્યૂ, તરત જ બુક કરાવી ફર્સ્ટ શોની ટિકિટ, શાહરુખ ખાનનું રીએક્શન જોવા જેવું

• શાહરૂખની ફિલ્મ જવાનનો પ્રિવ્યૂ ચર્ચામાં
• ભાઈ સલમાને સૌથી પહેલા જોયો ટ્રેલર
• પહેલા શૉની ટિકિટ પણ કરી દીધી બુક

શાહરૂખ ખાનની ફિલ્મ 'જવાન'નો પ્રિવ્યૂ રિલીઝ થઈ ચૂક્યો છે ત્યારે બોલિવૂડનાં ફેન્સ ચારેયબાજુ આ મૂવિની જ ચર્ચા કરી રહ્યાં છે.  માત્ર ફેન્સ જ નહીં બોલિવૂડનાં ભાઈજાન એવા સલમાન ખાને તો આ મૂવીનો પ્રિવ્યૂ જોઈને તેને બ્લોકબસ્ટર જાહેર કરી દીધી છે. સલમાન ખાને ટ્રેલર જોતાંની સાથે જ ફિલ્મની પહેલી ટિકિટ પણ બુક કરી દીધી છે.

સલમાનને ગમી ગયું ટ્રેલર
સલમાનખાને પોતાના મિત્ર શાહરૂખ ખાનની અપકમિંગ ફિલ્મ Jawaanનાં ટ્રેલરનાં ખૂબ વખાણ કર્યાં. તેમણે વીડિયો શેર કરતાં લખ્યું કે પઠાન જવાન બની ગયો. શાનદાર ટ્રેલર છે આ, મને તો ખુબ ગમ્યું. આ એક એવી ફિલ્મ લાગી રહી છે જેને આપણે સૌએ થિયેટરમાં જઈને જોવી જોઈએ. હું તો આ ફિલ્મને જોવા પહેલા જ દિવસે જવાનો છું. મજા આવી ગઈ વાહ!

શાહરૂખે લખ્યું Love You
સલમાન ખાનનો વીડિયો રિપોસ્ટ કરતાં શાહરૂખે લખ્યું કે એટલા માટે તો તમને સૌથી પહેલા પ્રિવ્યૂ દેખાડ્યો હતો.  તમારી શુભેચ્છા બદલ અને પહેલી ટિકિટની બુકિંગ બદલ પણ તમારો આભાર. Love You.

Pehle Bhai, issi liye aapko hi dikhaya tha!! Thanks for your wishes and booking the first ticket already. Love you. https://t.co/kSsGUZsj3g

— Shah Rukh Khan (@iamsrk) July 12, 2023

બંને વચ્ચે સમાધાન
બોલિવૂડ વર્લ્ડમાં શાહરૂખ અને સલમાન વચ્ચે થયેલા વિવાદો ચર્ચાનો વિષય બન્યો હતો જો કે થોડા સમયથી બંને મિત્રો વચ્ચે સમાધાન થઈ ગયું હોય તેવું લાગી રહ્યું છે. શાહરૂખ ખાનની ફિલ્મ પઠાણમાં સલમાન ખાનનો કેમિયો રોલ હતો. જેમાં બંને એકસાથે ફાઈટિંગ કરતાં નજરે પડ્યાં હતાં. હવે સૂત્રો અનુસાર સલમાનની ટાઈગર 3માં પણ શાહરૂખનો કેમિયો રોલ છે.  ફેન્સ બંને ખાનને ફરીથી એક પડદા પર જોવા માટે તત્પર છે.