સ્વવાસ / ગિરનાર તપોભૂમિના સંત કાશ્મીરી બાપુ દેવલોક પામ્યા, આશ્રમ પર સાધુ-સંતો અને સેવકોનો અંતિમ દર્શન માટે ઘસારો

• જૂનાગઢમાં કાશ્મીરી બાપુ દેવલોક પામ્યા 
• 97 વર્ષની વયે કાશ્મીરી બાપુ દેવલોક પામ્યા 
• 10 દિવસથી હોસ્પિટલમાં ચાલી રહી હતી સારવાર 

પોતાની આકરા તપ અને લોકસેવા માટે જાણીતા જૂનાગઢમાં કાશ્મીરી બાપુ બ્રહ્મલીન થયા છે.તપસાધનાની વિશ્વફલક પર ગિરનારની તપોભૂમિને પહોંચાડનાર કાશ્મીરી બાપુ 10 દિવસ ખાનગી હોસ્પિટલમાં સારવાર હેઠળ છે. સારવાર બાદ આશ્રમ લઇ જવાયા હતા જ્યાં આજે વહેલી સવારે કાશ્મીરી બાપુ સ્વર્ગવાસ થયા છે.બાપુના નિધનથી સાધુ-સંતો અને સેવકો શોકાતુર છે.

97 વર્ષની વયે કાશ્મીરી બાપુ દેવલોક પામ્યા 
પોતાની યુવા અવસ્થામાં ગિરનાર પર દત ભગવાનનું વર્ષો સુધી તપ કર્યું હતું અને સિદ્ધહસ્ત તરીકે પૂજાતા કાશ્મીરી બાપુનું 97 વર્ષની વયે અવસાન થયું છે.સમગ્ર સૌરાષ્ટ્ર પંથક સહિત ગુજરાત ભરમાંથી કાશ્મીરી બાપુને સોશિયલ મીડિયા થકી પણ શ્રદ્ધાજંલિ આપવામાં આવી રહી છે.

આવતીકાલે 11 વાગ્યે અંતિમવીધી 
દાતારેશ્વર મહાદેવ મંદિરના મહંત અને નિરંજન અખાડાના સંત શિરોમણીની વિદાયથી સમગ્ર પંથકના લોકો આશ્રમ ખાતે બાપુને શ્રદ્ધાંજલિ આપવા પહોંચી રહ્યા છે. કાશ્મીરી બાપુની આવતીકાલે 11 વાગ્યે કરાશે અંતિમવીધી કરવામાં આવશે. હાલ આશ્રમ ખાતે બાપુના દર્શન કરવા સેવકોની લાગી લાંબી કતારો લાગી રહી છે.

સાંસદ પૂનમબેન માડમે કરી પ્રાર્થના
તપસાધનાની વિશ્વફલક પર ગિરનારની તપોભૂમિને પહોંચાડનાર, ભવનાથમાં આવેલ નિરંજન અખાડાના સંત શિરોમણી શ્રી કાશ્મીરી બાપુ આપજે અનંતની સફર પર સિધાયાના સમાચાર અત્યંત દુઃખદ છે. ઈશ્વર સદગતના આત્માને શાંતી અર્પે એજ પ્રાર્થના.

સાંસદ રમેશ ધડૂકે દૂ:ખ વ્યક્ત કર્યું
જૂનાગઢના ભવનાથમાં આવેલ નિરંજન અખાડાના સંત શિરોમણી પૂજય શ્રી કાશ્મીરીબાપુના બ્રહ્મલીન થયાના સમાચાર સાંભળી શોકની લાગણી અનુભવું છું. ઈશ્વર સદગતના આત્માને શ્રી ચરણોમાં સ્થાન અર્પે એજ પ્રાર્થના. 

સાંસદ રાજેશ ચુડાસમાએ ટ્વીટ કરી આપી શ્રદ્ધાંજલિ
ગિરનારની તપોભૂમિના મહાન સંત પરમ પૂજ્ય શ્રી કાશ્મીરી બાપુ બ્રહ્મલીન થયાના સમાચાર ખુબ જ દુઃખદ છે,પરમકૃપાળુ પરમાત્મા સંત શિરોમણી શ્રી કાશ્મીરીબાપુનાં દિવ્ય આત્માને પોતાના ચરણોમાં સ્થાન તથા શાંતિ અર્પે એવી પ્રાર્થના.મહાન વિભૂતિ પરમ પૂજ્ય બાપુને કોટિ કોટિ પ્રણામ.જય ગિરનારી