- મુંબઈ ક્રાઈમ બ્રાન્ચમાં સચિન તેંડુલકરે નોંધાવી ફરિયાદ
- ફેક જાહેરાતમાં થયો તેના નામ અને ફોટોનો ઉપયોગ
- સાઈબર સેલમાં નોંધાવ્યો છેતરપિંડીનો કેસ
દિગ્ગજ ક્રિકેટર સચિન તેંડુલકરે ગુરૂવારે મુંબઈ ક્રાઈમ બ્રાંચની સાઈબર સેલમાં ઈન્ટરનેટ પર ચાલી રહેલી ફેક જાહેરાતોમાં તોમનું નામ, ફોટો અને અવાજનો ઉપયોગ થવાને લઈને કેસ નોંધાવ્યો છે. તેમણે પોતાની ફરિયાદમાં આરોપ લગાવ્યો છે કે તેમનું નામ, ઈમેજ અને અવાજનો ઉપયોગ કરીને લોકો સાથે ઢગી કરવામાં આવી રહી છે.
આટલું જ નહીં, આ ફેક જાહેરાત એવો પણ દાવો કરે છે કે તેમના પ્રોડક્ટ ખરીવા પર સચિન તેંડુલકરની સાઈન કરેલી ટી-શર્ટ પણ મળશે. સચિન તેંડુલકરની ફરિયાદ બાદ મુંબઈ પોલીસની સાઈબર સેલે કેસ નોંધીને તપાસ શરૂ કરી દીધી છે.
સચિને નોંધાવ્યો કેસ
જાણકારી અનુસાર તેંડુલકરના પર્સનલ આસિસ્ટન્ટ કેસ નોંધાવ્યો છે. ફરિયાદ અનુસાર પાંચ મેએ ફેસબુક પર એક ઓયલ કંપનીની એડ જોવા મળી. જેમાં ઓયલ કંપનીએ તેંડુલકરના ફોટોનો ઉપયોગ કર્યો હતો સાથે જ જાહેરાતમાં નીચે લખ્યું હતું કે પ્રોડક્ટને ખુદ સચિન તેંડુલકરે રેકમેન્ડ કરી છે. તેંડુલકરના પર્સનલ આસિસ્ટન્ટની ફરિયાદ અનુસાર આવી જ એડ ઈન્સ્ટાગ્રામ પર પણ જોવા મળી છે.
ઘણી કલમો હેઠળ કેસ દાખલ
મુંબઈ ક્રાઈમ બ્રાન્ચને મળેલી ફરિયાદ અનુસાર સચિન તેંડુલકર એવા કોઈ પણ પ્રોડક્ટને સપોર્ટ નથી કરતા. આ જાહેરાતમાં સચિન તેંડુલકરનો અવાજ ખોટી રીતે ઉપોયગ કરવામાં આવ્યો છે. સાથે જ તેમના ફોટાનો દુરઉપયોગ કરવામાં આવ્યો છે. ફરિયાદ મળ્યા બાદ ક્રાઈમ બ્રાન્ચે આ કેસમાં આઈપીસીની વિવિધ કલમ 420, 465 અને 500 હેઠળ કેસ નોંધ્યો છે. તેમાં છેતરપિંડી અને ફ્રોડ અને આઈટી અધિનિયમ સંબંધિત કલમ શામેલ છે.
