- સાબરકાંઠા જિલ્લાના ઈડર તેમજ વડાલી તાલુકામાં ચોરીની ઘટનાથી ચકચાર
- એક જ રાતમાં ત્રણ સ્થળોએ ATM તૂટવાનો બનાવ
- પોલીસ તંત્ર સામે અનેક સવાલો ઉઠ્યા
સાબરકાંઠા જિલ્લાના ઈડર તેમજ વડાલી તાલુકામા શિયાળાની કડકડતી ઠંડીમાં વહેલી સવારે જુદી જુદી બેંકના ત્રણ એ.ટી.એમમાં ચોરીની ઘટના સામે આવી હતી. મહત્વની વાતએ છે કે એસ.બી.આઈ બેંકનાં એ.ટી.એમ મશીનમાંથી લાખોની ચોરી કરવાના બનાવને લઈ બેંકના સિક્યુરિટી ગાર્ડ સામે પણ અનેક સવાલો ઉઠ્યા છે. બેંક દ્વારા કોઈ સિક્યુરિટી ગાર્ડ કેમ મૂકવામાં આવતા નથી. તેવા સવાલો પણ ઉઠ્યા છે.
અન્ય સીસીટીવી ફૂટેજ કબજે લઈ પોલીસ દ્વારા તપાસ
ઈડર શહેરમાંથી પસાર થતો હાઈવે જે દિવસ રાત ધમધમતો હોય છે અને એકજ રાતમાં આ હાઈવે રોડ પર ઈડરના રેલ્વે સ્ટેશન વિસ્તારમાં આવેલી આઈ.ડી.એફ.સી ફર્સ્ટ નામની બેન્કનું એ.ટી.એમ મશીન તોડીને ચોરએ ચોરીને અંજામ આપતા સમગ્ર પંથકમાં ચકચાર મચી જવા પામી છે.વડાલી એસબીઆઇ બેન્કમાં 11લાખથી વધુની ચોરીની વડાલી પોલીસ સ્ટેશનમાં ફરિયાદ નોંધાઇ છે.
ચોરએ સીસીટીવી કેમેરા પર સ્પ્રે જેવો પદાર્થ છાંટી આચરી ચોરી
વાડાલી પોલીસ મથકેથી થોડે દૂર આવેલ એ.ટી.એમ સહિત વડાલીના ડોભાડા ચોકડી ખાતેના ATMને ગેસ કટર વડે કાપી એકજ રાતમાં લાખોની ચોરી થયાનો બનાવ સામે આવતા પોલીસ તંત્ર સામે અનેક સવાલો ઉઠવા પામ્યા છે.ચોરોએ સીસીટીવી કેમેરા પર સ્પ્રે જેવો પદાર્થ છાંટી ચોરી કરી હોવાનું સામેં આવ્યું છે. આ મામલે ઈડર તેમજ વડાલી તાલુકાના એ.ટી.એમ મશીનોમાંથી થયેલી ચોરીને લઈ બેંક મેનેજરોએ ઈડર તેમજ વડાલી પોલીસ મથક ખાતે અજાણ્યાં ચોર ટોળકી વિરૂદ્ધ ફરિયાદ નોંધાવવાની તજવીજ હાથ ધરી છે.
