મેરા દેશ મહાન! / 'નવા ભારતને જવાબ દેતા આવડે છે' ભારત સામે આંખ ઉઠાવનારને ધમકાવતાં બોલ્યાં જયશંકર, ચીન-પાકની બત્તી ગૂલ

• વિદેશમંત્રીએ દુશ્મન દેશોને આપ્યો વળતો જવાબ
• કહ્યું આજનું ભારત નવું અને અલગ છે
• 'પડકારોનો વળતો જવાબ આપવા તૈયાર છે ભારત'

ભારતનાં વિદેશમંત્રી એસ જયશંકર પોતાના તીખા અને સ્પષ્ટ નિવેદનો માટે જાણીતા છે. તે ભારતની સામે આંખો ઉઠાવનારને સીધ્ધોસટ્ટ જવાબ આપવાનો કોઈ મોકો છોડતાં નથી. તેમણે ફરી એકવાર ચીન અને પાકિસ્તાનને દેખાડ્યું છે કે આજનું ભારત અલગ છે અને નવું ભારત છે.

દેશ તમામ પડકારોનો સામનો કરવા તૈયાર
તેમણે કહ્યું કે 'જે શક્તિઓ દશકાઓથી ભારતમાં આતંક ફેલાવાનું કામ કરી રહી છે તેઓ જાણે છે કે આ અલગ ભારત છે જે તેમને વળતો જવાબ આપશે. તેમણે આગળ કહ્યું કે રાષ્ટ્રીય સુરક્ષાને લઈને જે પડકારો છે, દેશ તેનો સામનો કરવા માટે તૈયાર છે.'

'નવું ભારત પોતાની સુરક્ષા કરવામાં સક્ષમ'
યુગાંડામાં ભારતીય સમુદાયનાં લોકોને સંબોધિત કરતાં વિદેશમંત્રી જયશંકરે જણાવ્યું કે દેશ કેવી રીતે ન્યૂ ઈન્ડિયા બની રહ્યું છે. દેશ ચીન અને પાકિસ્તાન સાથેની સીમાઓ પર જે પડકાકોનો સામનો કરી રહ્યું છે તેના પર તેમણે કહ્યું કે,' આજે લોકો એક નવું-અલગ ભારત જોઈ રહ્યાં છે. નવું ભારત સ્ટેન્ડ લે છે અને પોતાની સુરક્ષા કરવામાં સક્ષમ પણ છે પછી તે URI હોય કે પછી બાલાકોટ.'

Shared my interactions over the last three days. Highlighted the opportunities for further growth in our cooperation.

📹: https://t.co/VjpS23cOOq

— Dr. S. Jaishankar (@DrSJaishankar) April 12, 2023

ચીન સીમા પર ચાલી રહેલા તણાવ પર બોલ્યાં જયશંકર
ચીન બોર્ડર પણ ચાલી રહેલા તણાવ અંગે જયશંકરે કહ્યું કે છેલ્લાં 3 વર્ષોમાં કરારોનું ઉલ્લંઘન કરવામાં આવ્યું છે અને ચીને સીમા પર મોટી સંખ્યામાં પોતાની સેના તૈનાત કરી છે. આજે ભારતીય સેના ઊંચાઈઓ પર તૈનાત છે અને ત્યાંની સ્થિતિ ઘણી મુશ્કેલ છે. તેમણે આગળ જણાવ્યું કે પહેલાની સરખામણીમાં હવે ભારતીય સૈનિકોને સંપૂર્ણ સપોર્ટ મળે છે.  હવે તેમની પાસે યોગ્ય ઉપકરણો અને ઈન્ફ્રાસ્ટ્રક્ચર છે.