- રશિયાનાં રાષ્ટ્રપતિ પુતિને બુધવારે કર્યો દાવો
- કેન્સરની વેક્સિન બનાવી રહ્યું છે રશિયા
- કહ્યું તેના ઉપયોગથી વ્યક્તિગત સારવારમાં પ્રભાવી અસર થશે
યૂક્રેન સાથે ચાલી રહેલ જંગની વચ્ચે રશિયાનાં રાષ્ટ્રપતિ વ્લાદિમીર પુતિને બુધવારે કહ્યું કે રશિયન વૈજ્ઞાનિક કેન્સર માટે વેક્સિન બનાવવાની નજીક પહોંચી ગયાં છે જે ટૂંક જ સમયમાં દર્દીઓને ઉપલબ્ધ કરાવવામાં આવશે. ભવિષ્યની ટેકનોલોજી પર મૉસ્કો ફોરમમાં વાત કરતાં તેમણે કહ્યું કે મને આશા છે કે ટૂંક સમયમાં આ વેક્સિનનો ઉપયોગ વ્યક્તિગત સારવાર માટે પ્રભાવીરૂપે થવા લાગશે.
કેન્સર વેક્સિનને લઈને દાવો
મીડિયા રિપોર્ટ અનુસાર પુતિને કહ્યું કે અમે કેન્સરની વેક્સિન અને નવી પેઢી માટે ઈમ્યૂનોમોડ્યૂલેટરી દવાઓનું નિર્માણ કરવાની ઘણી નજીક પહોંચી ગયાં છીએ. જો કે તેમણે એ નથી જણાવ્યું કે આ વેક્સિનથી કયા પ્રકારનાં કેન્સરને ટારગેટ કરવામાં આવશે.
રશિયા સિવાય આ દેશ પણ કેન્સરની દવા બનાવી રહ્યું છે
રશિયા સિવાય દુનિયાનાં અનેક દેશો કેન્સરની દવા અથવા તો વેક્સિન બનાવવાનાં પ્રયાસો કરી રહ્યાં છે. ગતવર્ષે UK સરકારે વ્યક્તિગત કેન્સર ટ્રીટમેંટ આપવા માટે ક્લીનિકલ ટ્રાયલ શરૂ કરવા માટે જર્મની સ્થિત બાયોએનટેકની સાથે એક ડિલ કરી હતી. આ ડિલનું લક્ષ્ય 2030 સુધી 10000 રોગીઓ સુધી પહોંચવાનું છે.
વધુ વાંચો: બ્રશ કર્યા પછી પણ નથી જઇ રહી મોઢાની વાસ , અપનાવો આ સરળ ટિપ્સ , દુર્ગંધ થઇ જશે છુમંતર
આ કંપની બનાવી રહી છે વેક્સિન
ફાર્માસ્યૂટિકલ કંપનીઓ મૉડર્ના અને મર્ક એન્ડ કંપની એક એક્સપેરિમેંટલ કેન્સર વેક્સીન ડેવલોપ કરી રહી છે. તેની મિડ-સ્ટેજ સ્ટડી જણાવે છે કે ત્રણ વર્ષની ટ્રીટમેંટ બાદ મેલેનોમા (સ્કીન કેન્સર) ફરી થવાનો અથવા તેનાથી મૃત્યુ થવાનાં ચાન્સ અડધા થઈ ગયાં છે.
