એજન્ટપ્રથા / અમદાવાદમાં ગાડીની લોન કેન્સલ કરવા RTO એજન્ટે ગજબનું ભેજુ વાપર્યું પણ બાજી ઊંધી પડી, જુઓ કેવા કાંડ થયા

• અમદાવાદમાં બોગસ ડોક્યુમેન્ટ બનાવી છેતરપિંડી 
• RTO એજન્ટે એપ્લીકેશનમાં બનાવટી લાઈટ બીલ અપલોડ કર્યું 
• લોન કેન્સલ અને સરનામું ચેન્જ કરવા આચર્યું કૃત્ય 

અમદાવાદમાં RTO એજન્ટે એપ્લીકેશનમાં બનાવટી લાઈટ બીલ અપલોડ કરી લોન કેન્સલ અને સરનામું ચેન્જ કરવા કૃત્ય આચર્યું હોવાનું સામે આવ્યું છે.RTO એ ડોક્યુમેન્ટ વેરિફિકેશન કરતા ડોક્યુમેન્ટ ખોટા હોવાનું સામે આવ્યું હતું. જેને પગલે RTO ઇન્સ્પેક્ટરે રાણીપ પોલીસ સ્ટેશનમાં બન્ને આરોપીઓ સામે ફરિયાદ નોંધાવી છે. પોલીસ તપાસમાં ખુલાસો થયો છે કે બેંક દ્વારા સીઝ કરવામાં આવેલી એક ટ્રક એક વ્યક્તિને વેચી હતી. જેમાં લોન કેન્સલ તેમજ એડ્રેસ ચેન્જ કરવા માટે મૂળ માલિકનાં ડોક્યુમેન્ટની જરૂર પડતા બારોબાર એજન્ટો થકી આ સેટીંગ કરાવવામાં આવ્યું હતું.  

તપાસમાં બોગસ ડોક્યુમેન્ટ હોવાનું ખૂલ્યું
અમદાવાદ એજન્ટપ્રથા બંધ હોવાનું માત્ર કહેવા પૂરતું હોય તેવી સ્થિતી છે. કારણકે તાજેતરમાં RTO ના બે એજન્ટોએ મળીને એક ગાડીની લોન કેન્સલ અને અન્ય કામગીરી કરાવવા માટે મૂળ માલિકનાં ઘરનું બોગસ લાઈટ બીલ બનાવી આરટીઓમાં જમા કરાવી દિધું હતું. જોકે તપાસમાં બોગસ ડોક્યુમેન્ટ હોવાનું ખુલતા મોટર વાહન નિરીક્ષકે ફરિયાદ નોંધાવતા બે એજન્ટોની ધરપકડ કરવામાં આવી છે.

વાહન ખરીદનારે આરોપીને 60હજારમાં સોંપી હતી જવાબદારી 
આરોપી વસીમ કછોટ અને રીયાઝ મંસૂરીએ ભેગા મળી બોગસ ડોક્યુમેન્ટ બનાવ્યા હતા. જે ડોક્યુમેન્ટ RTOમાં વાહનની કામગીરી માટેની એપ્લીકેશનમાં લોન કેન્સલ અને સરનામું ચેન્જ કરવા  અપલોડ કર્યું હતું. જે લાઈટ બીલ અંગે ખરાઈ કરતા બનાવટી હોવાનું ભોપાળું છતું થયું હતું. જેને લઇને RTO ઇન્સ્પેક્ટરે રાણીપ પોલીસ સ્ટેશનમાં  બન્ને આરોપીઓ સામે ફરિયાદ નોંધાવી હતી. જેને પગલે રાણીપ પોલીસે બન્નેની ધરપકડ કરી કાયદેસર કાર્યવાહી હાથ ધરી છે. પકડાયેલા આરોપીઓની પોલીસે  તપાસ કરતા સામે આવ્યું કે બેંક દ્વારા સીઝ કરવામાં આવેલી એક ટ્રક એક વ્યક્તિને વેંચવામાં આવી હતી. જેમાં લોન કેન્સલ તેમજ એડ્રસ ચેન્જ કરવા માટે મૂળ માલિકના ડોક્યુમેન્ટની જરૂર પડતા બારોબાર એજન્ટો થકી આ સેટીંગ કરાવવામાં આવતુ હોવાનું સામે આવ્યું છે. મૂળ માલિકની ગાડી બેંકે સીઝ કરી હોવાથી તે મંજૂરી ન આપે તેવી બાબતને લઈને વાહન ખરીદનારે આ કામગીરી આરોપીઓને 60 હજાર રૂપિયામાં સોંપી હતી. જેથી આરોપીઓએ લાઈટ બીલની કંપનીના સાઈટ પરથી ઈ બીલ ડાઉનલોડ કરી તેમાં ચેડા કરી બોગસ બીલ બનાવ્યું હતું. 

રાણીપ પોલીસે બન્ને RTO એજન્ટોની કરી ધરપકડ 
હાલ તો રાણીપ પોલીસે બન્ને RTO એજન્ટોની ધરપકડ કરી અન્ય કોઈ ગુનાઓ આરોપીઓએ આચર્યા છે કે કેમ તે અંગે પૂછપરછ શરૂ કરી છે.પરંતુ સવાલ એ છે કે RTO અધિકારીઓની આંખ આડા કાન કરવાની નીતિ ક્યારે બંધ થાય છે અને એજન્ટ રાજ ક્યારે સંપૂર્ણ બંધ કરાવી શકેશે તે એક સવાલ છે.