- કોરોનાના કારણે 2 વર્ષ બાદ એપ્રિલથી સંઘ શિક્ષા વર્ગ શરૂ કરવાનો નિર્ણય
- શતાબ્દી વર્ષ 2025 પહેલા સંઘની શાખાઓને 1 લાખ સુધી વિસ્તારની યોજના
- પ્રધાનમંત્રી નરેન્દ્ર મોદી 2 દિવસીય અમદાવાદ પ્રવાસે પહોંચ્યા
આ સંઘની વાર્ષિક બેઠક છે. જેમાં સંઘનું શતાબ્દી વર્ષ મનાવવાની તૈયારીઓ, 2025માં શતાબ્દી વર્ષ મનાવવા સુધી સંઘની શાખા બેગણી કરવા જેવા તમામ રાષ્ટ્રીય અને આંતરરાષ્ટ્રીય વિષયો પર ચર્ચા થશે. જેમાં સંઘના અધિકારી ચિંતન મનન કરશે. સંઘની કર્ણાવતી બેઠકમાં શિક્ષણ સંસ્થાનોમાં ડ્રેસ કોડથી વકરેલા વિવાદ(હિઝાબ) અને PFI દ્વારા સંઘના કાર્યકર્તાઓ પર હુમલા જેવા હાલના મુદ્દાઓ પર પણ ચર્ચા થઇ શકે છે. પ્રધાનમંત્રી નરેન્દ્ર મોદી પણ અમદાવાદમાં 2 દિવસીય પ્રવાસ પર છે. તો અમિત શાહ પણ ગુજરાત આવી પહોંચ્યા છે.
PM મોદી બેઠકમાં ભાગ લઇ શકે છે
રાષ્ટ્રીય સ્વયં સેવક સંઘની અખિલ ભારતીય પ્રતિનિધિ સભાની મીટિંગ આજથી(11 માર્ચ) અમદાવાદમાં શરૂ થઇ રહી છે. સંઘની આ બેઠકને પણ ગુજરાત ચૂંટણીની તૈયારીઓથી જોડીને જોવામાં આવી રહી છે. PM મોદી બેઠકમાં ભાગ લઇ શકે છે. માનવામાં આવી રહ્યું છે કે, પીએમ મોદી રોડ શો અને સંઘની મીટિંગથી નિકળેલા મંથનનો સીધો મેસેજ પાર્ટી કેડરને જશે.
સંઘ અને તેમના અલગ અલગ સંગઠનોની મહત્વપૂર્ણ લોકોની આ બેઠકમાં
કોરોનાના કારણે 2 વર્ષ બાદ આ વર્ષના એપ્રિલથી સંઘ શિક્ષા વર્ગને સામાન્ય રીતે ચલાવવાનો નિર્ણય થશે. આરએસએસના સંઘ શિક્ષા વર્ગ-તૃતીય વર્ષ છેલ્લા 2 વર્ષોથી કોરોના મહામારીના કારણે યોજી ન શકાયું તેને પણ પૂર્ણ કરવાનો નિર્ણય થશે. RSS 100 વર્ષનું થશે, સંઘના 100 વર્ષ પૂર્ણ થવાના ઉપલક્ષ્યમાં ચલાવવામાં આવી રહેલા તમામ કાર્યક્રમ જેવા પરિવાર જાગૃતિ, પર્યાવરણ સંરક્ષણ, જાગૃતિ કાર્યક્રમોની પ્રગતિ રિપોર્ટ પર પણ વિચાર મંથન થશે.
ભાજપ અધ્યક્ષ જેપી નડ્ડા પણ થશે સામેલ
આરએસએસના શતાબ્દી વર્ષ 2025 પહેલા 1 લાખ સુધી સંઘની શાખાઓના વિસ્તારની યોજના છે. જોકે તેની સંખ્યા 55 હજાર નજીક છે. સંઘની શાખાઓના ભૌગોલિક વિસ્તાર પર સંઘ વિસ્તૃત યોજના બનાવશે. પ્રતિનિધિ સભામાં સંઘ આગામી 1 વર્ષ માટે સંઘ યોજના બનાવીને લક્ષ્ય નક્કી કરે છે. સંઘ અને તેમના અલગ અલગ સંગઠનોના મહત્વપૂર્ણ લોકો આ બેઠકમાં સામેલ થતા હોય છે. ભાજપ તરફથી સંઘની બેઠકમાં સંગઠન મહામંત્રી બીએલ સંતોષ અને પાર્ટી અધ્યક્ષ જેપી નડ્ડા સામેલ થશે.
