- 7 જૂનથી ઈંગ્લેન્ડના ઓવલ મેદાનમાં WTC રમાશે
- ઓસ્ટ્રેલિયાના દિગ્ગજ ક્રિકેટર રિકી પોન્ટિંગે સલાહ આપી
- આ બે ક્રિકેટરોને ટેસ્ટમાં મળી શકે છે સ્થાન
વર્લ્ડ ટેસ્ટ ચેમ્પિયનશીપની ફાઈનલ મેચમાં ભારતીય ટીમ સામે ઓસ્ટ્રેલિયા સામે એક ખૂબ જ મોટો પડકાર છે. 7 જૂનથી ઈંગ્લેન્ડના ઓવલ મેદાનમાં આ મેચ રમવામાં આવશે. રવિચંદ્રન અશ્વિન તથા રવિન્દ્ર જાડેજામાંથી પ્લેઈંગ 11માં રમવા માટે કોને તક મળશે તે બાબતે સવાલો કરવામાં આવી રહ્યા છે. ઓસ્ટ્રેલિયાના દિગ્ગજ ક્રિકેટર રિકી પોન્ટિંગે આ બાબતે પોતાની સલાહ આપી છે.
રિકી પોન્ટિંગનું નિવેદન
રિકી પોન્ટિંગ જણાવે છે કે, ભારતીય ટીમ મેનેજમેન્ટ રવિન્દ્ર જાડેજા તથા રવિચંદ્રન અશ્વિન બંને પ્લેયરને ટીમમાં શામેલ કરે. WTC ફાઈનલમાં જાડેજા છઠ્ઠા નંબરે બેટીંગ કરી શકે છે. આ વર્ષની શરૂઆતમાં ભારતે ઓસ્ટ્રેલિયા સામેની સીરિઝ 2-1થી જીતી હતી અને બોર્ડર ગાવસ્કર ટ્રોફી પોતાને નામ કરી હતી. જેમાં ભારતીય સ્પિન જોડીનું મહત્ત્વપૂર્ણ યોગદાન હતું.
અશ્વિનને બહાર રાખવામાં આવે
વર્ષ 2021-22માં ભારતે ઈંગ્લેન્ડ પ્રાવસ કર્યો હતો અને જાડેજાને 5 ટેસ્ટ મેચમાં સ્થાન આપવામાં આવ્યું હતું. ઓલરાઉન્ડરે આ સીરિઝમાં ખાસ બોલિંગ કરી નહોતી અને 56.16ની સરેરાશથી 6 વિકેટ લીધી હતી. જાડેજાએ 287 રન કર્યા હતા અને તેમાં એક સદી પણ શામેલ છે.
બંને ક્રિકેટરને તક આપવામાં આવે
ઓસ્ટ્રેલિયાના પૂર્વ કેપ્ટન રિકી પોન્ટિંગ જણાવે છે કે, જાડેજા બેટીંગ સારી કરે છે. આ કારણોસર તેમના સાથી અશ્વનને WTC ફાઈનલમાં શામેલ કરવો જરૂરી છે. પોન્ટિંગ જણાવે છે કે, મને લાગી રહ્યું છે કે, અશ્વિન અને જાડેજાની પસંદગી કરવામાં આવશે. જાડેજા બેટીંગમાં નંબર 6 પર રહી શકે છે. જાડેજાની બેટ્સમેન તરીકે પસંદગી કરવામાં આવી શકે છે તથા બોલિંગ પણ કરી શકે છે.
અશ્વિને કર્યું શાનદાર પ્રદર્શન
આ વર્ષની શરૂઆતમાં ઓસ્ટ્રેલિયા સામેની મેચમાં અશ્વિને કુલ 25 વિકેટ લઈને દબદબો બનાવી રાખ્યો હતો. જાડેજા તથા અશ્વિન પીચ પર બોલિંગ કરી રહ્યા હતા. અશ્વિને અલગ અલગ પરિસ્થિતિઓમાં શાનદાર પ્રદર્શન કરીને ક્ષમતા સાબિત કરી છે. 13 ટેસ્ટ મેચમાં 61 વિકેટ લીધી છે.
