ઉચ્ચસ્તરીય બેઠક / કેન્દ્રીય મંત્રી નીતિન ગડકરીના અધ્યક્ષ સ્થાને ગુજરાતના નેશનલ હાઇવે પ્રોજેક્ટ્સની સમીક્ષા, 22 જેટલા મહત્વકાંક્ષી પ્રોજેક્ટ પર થઈ ગહન ચર્ચા

• મુખ્યમંત્રીની ઉપસ્થિતમાં હાઈવે પ્રોજેક્ટ્સ પર બેઠકમાં ચર્ચા
• અમૃતસર-જામનગર એક્સપ્રેસ હાઇવેનો મુદ્દો ચર્ચાયો
• સાંસદ સી.આર.પાટીલ સહિતના રહ્યા હાજર

કેન્દ્રીય સડક પરિવહન મંત્રી નીતિન ગડકરી ગુજરાતની મુલાકતે આવ્યા હતા આ દરમિયાન તેમની અધ્યક્ષતામાં ગુજરાતના નેશનલ હાઈવે પ્રોજેક્ટસની સમીક્ષા માટે ઉચ્ચ સ્તરીય બેઠકનું આયોજન કરવામાં આવ્યું હતું. આ બેઠકમાં ગુજરાતના મુખ્યમંત્રી ભુપેન્દ્ર પટેલ અને નવસારીના સાંસદ સી.આર.પાટીલ સહિતના આગેવાનો ઉપસ્થિત રહ્યા.

કેન્દ્રીય સડક પરિવહન મંત્રી નીતિન ગડકરીના અધ્યક્ષ સ્થાને ગુજરાતના નેશનલ હાઇવે પ્રોજેક્ટ્સની સમીક્ષા બેઠક યોજાઇ, મુખ્યમંત્રી ભુપેન્દ્ર પટેલની ઉપસ્થિતમાં રાજ્યમાં વિવિધ હાઈવે પ્રોજેક્ટ્સ પર ગહન ચર્ચા થઈ#nitingadkari #gujarat #bhupendrapatel #vtvgujarati pic.twitter.com/sfukYwJxR8

— VTV Gujarati News and Beyond (@VtvGujarati) January 18, 2023

હાઈ વેના કામની કરાઈ ચર્ચા

નેશનલ હાઇવેના વિકાસ અને સુધારણા માટેના ૮૧ કામો માટે ગુજરાતમાં છેલ્લા આઠ વર્ષમાં વિવિધ હાઇવે પ્રોજેક્ટ માટે ૫૨,૭૭૫ કરોડ રૂપિયા મંજૂર કરવામાં આવ્યા છે. જ્યારે ૩૦,૯૦૮ કરોડ રૂપિયાના ૧૩૬૬ કિમી.ના ૨૨ કામો આયોજનના તબક્કામાં છે.આમ ગુજરાતમાં નેશનલ હાઇવેના બાંધકામ અને સુધારણા માટે કુલ ૧,૦૮,૬૯૦ કરોડ રૂપિયા વાપરવામાં આવનાર છે. તે અંગે માહિતી અપાઈ હતી. જ્યારે રાજ્યમાં કાર્યરત મહત્વકાંક્ષી પ્રોજેક્ટ જેમાં અમદાવાદ ધોલેરા એક્સપ્રેસ વે, દિલ્હી મુંબઈ એક્સપ્રેસ વે, અમૃતસર જામનગર એક્સપ્રેસ વે અને થરાદ અમદાવાદ એક્સપ્રેસ વે, અમદાવાદ-શામળાજી સિક્સ લેન હાઇવેની ચર્ચા કરાઈ હતી.

અધિકારીઓ-પદાધિકારીઓ રહ્યા હાજર

ઉપરાંત ભાવનગર-સોમનાથ ફોરલેન, પાલનપુર-સામખીયાળી, મોરબી-સામખીયાળી ફોરલેન, ધરોઈ-અંબાજી ફોરલેનની કાર્ય પ્રગતિ વિશે પણ ચર્ચા કરવામાં આવી હતી. આ ઉચ્ચસ્તરીય બેઠકમાં કેન્દ્રના સડક પરિવહન મંત્રાલયના અધિકારીઓ, નેશનલ હાઈવે ઓથોરિટીના સભ્ય  તેમજ મુખ્યમંત્રીના સલાહકાર એસ.એસ. રાઠોર તથા રાજ્ય સરકારના ઉચ્ચ અધિકારીઓ હાજર રહ્યા હતા.