ભાવનગર / વિદ્યાર્થી નેતા યુવરાજસિંહ પર આક્ષેપ કરનાર શિક્ષક બિપિન ત્રિવેદીને લઈ ઘટસ્ફોટ, પ્રિન્સિપાલે ખોલ્યા આ મોટા રાઝ, 7 દિવસથી પોલીસ રડારમાં

• યુવરાજસિંહ પર આરોપ લગાવનાર બિપિન ત્રિવેદી મામલે વધુ એક ખુલાસો
• સરકારી શાળામાં શિક્ષક હોવા છતા 2 ખાનગી ક્લાસિસમાં આપતો હતો લેક્ચર
• ભાવનગરના પંકજ જોશી અને શ્રી યુવા કરિયર અકેડમીમાં છે લેક્ચરર

વિદ્યાર્થી નેતા યુવરાજસિંહ પર આક્ષેપ કરનાર બિપિન ત્રિવેદી પર એક બાદ એક મોટા ખુલાસા થઈ રહ્યા છે.બિપિન ત્રિવેદી છેલ્લા એક અઠવાડિયાથી પોલીસની રડારમાં હતો અને પોલીસે ગઈકાલે જબિપિનના પરિવારની પૂછપરછ કરી હોવાનું સામે આવ્યું છે. મહત્વનું છે કે બિપિન ત્રિવેદી ભાવનગરની સરકારી શાળામાં શિક્ષક તરીકે ફરજ બજાવે છે. ત્યારે આ મામલે શાળાના પ્રિન્સિપાલે VTV ન્યૂઝ સાથેની વાતચીતમાં બિપિન ત્રિવેદીને લઈ જણાવ્યુ હતુ કે, છેલ્લા એક અઠવાડીયાથી બિપિન ત્રિવેદી શાળાએ આવ્યો નથી. તેમજ સરકારી શિક્ષક હોવા છતા બિપિન ખાનગી કોચિંગ સેન્ટરમાં લેકચર આપતો હોવાનો પણ ધડાકો થયો છે.

છેલ્લા 10 દિવસથી બિપીન ત્રિવેદી કોચિંગ સેન્ટર પર નથી આવતો

યુવરાજસિંહ પર આરોપ લગાવનાર બિપિન ત્રિવેદી સરકારી શાળામાં શિક્ષક હોવા છતા 2 ખાનગી ક્લાસિસમાં લેક્ચર આપી કમાણી રોળતો હતો. ભાવનગરના પંકજ જોશી અને યુવા કરિયર અકેડમીમાં તે લેક્ચરર હોવાનું બહાર આવ્યું છે. જેને પગલે VTVની ટીમ કામિનિયાનગરની શ્રી યુવા કરિયર અકેડમીમાં પહોંચી હતી. આ દરમિયાન છેલ્લા 10 દિવસથી બિપીન ત્રિવેદી કોચિંગ સેન્ટર ન આવતો હોવાનું બહાર આવ્યું છે. મહત્વમુ છે કે ગઈકાલના વીડિયો બાદ પોલીસ કરી બિપિન ત્રિવેદીની શોધખોળ કરી રહી છે. જો કે યુવરાજસિંહ પર આરોપ લગાવનાર બિપિન ત્રિવેદીને લઈ હજુ તપાસ ચાલી રહી છે. તપાસ દરમિયાન આગામી સમયમાં વધુ ધડાકા ભડાકા થાય તેવા સંજોગો વર્તાઈ રહ્યા છે.
  

ભાવનગરમાં ડમીકાંડને લઇને પગલા લેવાની તૈયારીઓ શરૂ, શરદ પનોત અને પ્રકાશ દવે સામે થશે કાર્યવાહી, બંને પોલીસ કસ્ટડીમાં હોવાથી બંનેને સસ્પેન્ડ કરવાની તૈયારી શરૂ#bhavnagar #damikand #vtvgujarati pic.twitter.com/8YQGo5ciIT

— VTV Gujarati News and Beyond (@VtvGujarati) April 16, 2023

શુ હતો સમગ્ર મામલો

વિદ્યાર્થી નેતા યુવરાજસિંહ જાડેજા પર આક્ષેપ કરનાર બિપિન ત્રિવેદીના પરિવારની ગઈકાલે પણ પોલીસે પૂછપરછ કરી હતી. જેમાં બિપિન ત્રિવેદીએ જણાવ્યું હતું કે, ડમી કાંડમાં નામ છુપાવવા માટે યુવરાજસિંહે કરોડો રૂપિયા લીધા છે.એક ડીલ અંગે બિપિન ત્રિવેદીએ જણાવ્યું હતું કે, 'પ્રદીપ નામના વ્યક્તિએ મને જણાવ્યું હતું કે યુવરાજસિંહ વારંવાર મારું નામ લે છે, જેના કારણે પોલીસ મારા ઘરે આવે છે. જેથી તમે વાત કરો. આ અંગે મેં યુવરાજસિંહને વાત કરી હતી. જે બાદ મેં પ્રદીપ અને ઘનશ્યામ ભાઈ, શિવુભા અને યુવરાજ સિંહે એક મીટિગ કરી હતી. જે બાદ મારે 2 વાગ્યે લેક્ચર હોવાથી હું ત્યાંથી નીકળી ગયો હતો. લેક્ચર પૂરો થયા પછી મને જાણવા મળ્યું કે આ ડીલ 55 લાખમાં થઈ હતી. આ પેમેન્ટ આપવા માટે ઘનશ્યામભાઈ જુદા-જુદા ત્રણ તબક્કામાં ગયા. આ વખતે હું સાથે નહોતો. આમાં હું ક્યાંય સામેલ નહોતો. મેં ઘનશ્યામ ભાઈને કીધું કે આમાં મને ક્યાંય સામેલ કરતા નહીં, આ બધું લાંબુ ચાલે. યુવરાજસિંહના બે સાળા પણ આ ડીલમાં સામેલ હતા. શિવુભા, કાનભા નામના યુવરાજસિંહના 2 સાળા આ ડીલમાં સામેલ હતા.' 

ત્રણ હપ્તામાં આપવામાં આવ્યા હતા રૂપિયાઃ બિપિન ત્રિવેદી

પ્રદીપ બારૈયા નામના આરોપીનું નામ સામે આવવાનું હતું. પરંતુ ઘનશ્યામ, બિપિન, પ્રદીપ, શિવુભા, કાનભા અને યુવરાજસિંહની બેઠક થઈ હતી છે અને ડીલ 55 લાખમાં થઈ હતી. આ 55 લાખ રૂપિયાની ડીલમાં 30 લાખ, 20 લાખ અને 5 લાખ રૂપિયા ત્રણ હપ્તામાં આપવામાં આવ્યા હતા.જોકે, યુવરાજસિંહ જાડેજાએ તમામ આરોપોને પાયાવિહોણા ગણાવ્યા હતા.