આક્ષેપ / ગણપત વસાવા સામે ભ્રષ્ટાચારનો આરોપ લગાવનાર પૂર્વ IASના પુત્રની ધરપકડ

ગણપત વસાવા પર ભ્રષ્ટાચારનો આરોપ લગાવનાર પૂર્વ IASના પુત્રની ધરપકડ કરવામાં આવી છે. પૂર્વ આઇએએસ(IAS) જગતસિંહ વસાવાના પુત્રની પ્રવીણસિંહ ઉર્ફે મુન્નાસિંહની પોલીસે ધરપકડ કરી છે. દારૂની હેરાફેરીના કેસમાં પોલીસે પ્રવીણસિંહની ધરપકડ કરી છે. પ્રવીણસિંહ પર પોતાના નામે વાહન રજિસ્ટ્રેશન કરાવી દારૂની હેરાફેરી કરવાનો આક્ષેપ લગાવવામાં આવ્યો છે. 

ગણપત વસાવા સામે ભ્રષ્ટાચારનો લગાવ્યો હતો આરોપ

અગાઉ આરોપીના પિતા અને પૂર્વ IAS જગતસિંહે મંત્રી ગણપત વસાવા પર ભ્રષ્ટાચારના લગાવ્યા હતા. જેને લઈને તેઓ ચર્ચામાં આવ્યા હતા. મહત્વનું છે કે, ગત 2017ની વિધાનસભા ચૂંટણીમાં કુલ આવક રૂપિયા 1.7 કરોડની સામે ત્રણ કરોડ રૂપિયાથી વધુ સંપત્તિ મળી આવી હતી. જેને લઇને પૂર્વ IAS જગતસિંહ વસાવાએ સંપત્તિને લઇને આરોપ લગાવ્યા હતા.

ત્યારે તેમના પુત્ર પ્રવીણસિંહ વિરૂદ્ધ પોલીસ દ્વારા કાર્યવાહી કરવામાં આવી છે. પોલીસે દારૂની હેરાફેરીના કેસમાં ધરપકડ કરવામાં આવી છે. ત્યારે પોલીસ દ્વારા આ મામલે વધુ તપાસ હાથ ધરવામાં આવી રહી છે.