માર્કેટમાં તેજી / શેરબજારમાં રેકોર્ડ ઉછાળો, નિફ્ટી પ્રથમ વખત 22,200ને પાર, સેન્સેક્સમાં 349 પોઈન્ટનો ઉછાળો

સ્થાનિક શેરબજારોમાં મંગળવારે સતત છઠ્ઠા ટ્રેડિંગ સત્રમાં તેજી રહી હતી. દિવસભરના ઉતાર-ચઢાવ વચ્ચે આજે સેન્સેક્સ-નિફ્ટી લીલા નિશાનમાં બંધ થયા છે. ટ્રેડિંગના અંતે 30 શેર પર આધારિત બોમ્બે સ્ટોક એક્સચેન્જ સેન્સેક્સ 349.24 પોઈન્ટ અથવા 0.48 ટકાના વધારા સાથે 73,057.40 પર બંધ થયો. જ્યારે નેશનલ સ્ટોક એક્સચેન્જનો નિફ્ટી 86.95 પોઈન્ટ અથવા 0.39 ટકાના ઉછાળા સાથે 22,209.20 ના સ્તર પર બંધ થયો હતો. પાવર ગ્રીડ કોર્પોરેશન, એચડીએફસી બેંક, એક્સિસ બેંક, એનટીપીસી અને કોટક મહિન્દ્રા બેંક મંગળવારના કારોબારમાં નિફ્ટીમાં ટોપ ગેઇનર હતા. જ્યારે હીરો મોટોકોર્પ, કોલ ઈન્ડિયા, બજાજ ઓટો, આઈશર મોટર્સ અને ટીસીએસ નિફ્ટીમાં ટોપ લોઝર હતા.

Sensex rises by 349.24 points to close at 73,057.40; Nifty advances 74 points to settle at fresh record high

— Press Trust of India (@PTI_News) February 20, 2024

19 ફેબ્રુઆરીએ બજાર લીલા નિશાન પર બંધ થયું હતું

છેલ્લા ટ્રેડિંગ સેશનના અંતે એટલે કે 19 ફેબ્રુઆરીએ BSE સેન્સેક્સ 281.52 પોઈન્ટ અથવા 0.39 ટકાના વધારા સાથે 72,708.16 ના સ્તરે બંધ થયો હતો. જ્યારે NSE નો નિફ્ટી 81.55 પોઈન્ટ અથવા 0.37 ટકાના વધારા સાથે 22,122.25 ના સ્તર પર બંધ થયો હતો.

વધુ વાંચો : IPO Alert : ટાયર બનાવતી આ કંપની લાવશે IPO, સેબીને આપ્યું આવેદન

GPT હેલ્થકેરનો IPO 22 ફેબ્રુઆરીએ ખુલશે

GPT હેલ્થકેર લિમિટેડનો IPO, જે ILS હોસ્પિટલ્સ બ્રાન્ડ હેઠળ હોસ્પિટલોનું સંચાલન કરે છે, તે 22 થી 26 ફેબ્રુઆરી દરમિયાન ખુલશે. કંપનીએ IPO માટે શેર દીઠ રૂ. 177-186ની પ્રાઇસ બેન્ડ નક્કી કરી છે. એન્કર રોકાણકારો શેરની ખરીદી માટે એક દિવસ અગાઉ એટલે કે 21મી ફેબ્રુઆરીએ બિડ કરી શકશે.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો