ના હોય! / મૃત્યુ બાદ આ ખાસ કારણોથી થાય છે આત્માનો પુનઃજન્મ, જાણો શું કહ્યું છે વેદ-પુરાણમાં

• આત્માનો આ કારણેથા થાય છે પુનઃજન્મ 
• દેવ પુરાણોમાં થયો છે તેનો ઉલ્લેખ 
• જાણો મુત્યુ બાદ કેમ આત્મા લે છે પુનઃજન્મ 

શાસ્ત્રોમાં કહેવાયું છે કે જે જન્મ લે છે તેનું મૃત્યુ પણ નિશ્ચિત છે. દેવતાઓ, મનુષ્યો, પ્રાણીઓ, પક્ષીઓ બધાનુ મૃત્યુ ચોક્કસ છે. આપણે વારંવાર મૃત્યુ અને મૃત્યુ પછી પુનઃજન્મ વિશે સાંભળીએ છીએ. પરંતુ શું ખરેખર મૃત્યુ પછી આત્માનો પુનઃજન્મ થાય છે? અને શું બધી આત્માઓ પુનઃજન્મ લે છે? આવો જાણીએ મૃત્યુ પછી આત્માના પુનઃજન્મના રહસ્ય અને કારણો વિશે.

પુનઃજન્મ વિશે શું કહે છે વેદ-પુરાણ 

• પૌરાણિક વેદ યજુર્વેદના શતપથ બ્રાહ્મણમાં મૃત્યુ પછી આત્માના પુનઃજન્મનું વિગતવાર વર્ણન કરવામાં આવ્યું છે.
• ઉપનિષદમાં એવું પણ કહેવામાં આવ્યું છે કે એક ક્ષણ અથવા વધુમાં વધુ 30 સેકન્ડમાં આત્મા શરીર છોડીને બીજા શરીરને ધારણ કરે છે.
• ગરુડ પુરાણમાં કહેવામાં આવ્યું છે કે મૃત્યુ પછી આત્માને નવું શરીર ગ્રહણ કરવા માટે 3 દિવસ, 13 દિવસ, સવા મહિના અથવા આખા વર્ષનો સમય લાગે છે. જે આત્માઓ નવો દેહ ગ્રહણ કરતા નથી તેઓ પિતૃલોક અને સ્વર્ગલોકમાં જાય છે અથવા ભટકતી રહે છે.

આ કારણોથી મર્યા બાદ આત્માઓનો થાય છે પુનઃજન્મ
બદલો લેવા માટે
જે વ્યક્તિ પર જીવનમાં ઘણો અન્યાય થયો હોય અને તેના કારણે તેનું મૃત્યુ થયું હોય, તો બદલો લેવા માટે આત્માનો પુનર્જન્મ થાય છે.

અકાળ મૃત્યુના કારણે
જો કોઈ વ્યક્તિ દુર્ઘટના, અકસ્માત કે કોઈ આફતને કારણે અકાળે મૃત્યુ પામે છે, તો આવા વ્યક્તિની કેટલીક ઈચ્છાઓ અધૂરી રહે છે. આવી આત્માઓ પોતાની ઈચ્છાઓ પૂરી કરવા માટે મૃત્યુ પછી પુનઃજન્મ પણ લે છે.

પાપના ભાગી હોવાના કારણે
એવી વ્યક્તિ જેણે પોતાના જીવનમાં અનેક પાપ અને અન્યાય કર્યા છે, તેના આત્માને પણ મૃત્યુ પછી પૃથ્વી પર પાછા મોકલવામાં આવે છે, જેથી તે પૃથ્વી પર તેના પાપકર્મોનું દુઃખ સહન કરી શકે.

સારા કાર્યોનો આનંદ માણવા
જે વ્યક્તિ પોતાના જીવનમાં હંમેશા સારા કાર્યો કરે છે, તેની આત્મા પણ મૃત્યુ પછી પુનઃજન્મ લે છે. આવા આત્માઓ પુણ્યનું ફળ ભોગવવા જન્મ લે છે.