- રમીઝ રાજાને PCBનાં અધ્યક્ષ પદથી હટાવાયા
- PM શહબાઝ શરીફે એક્શનને આપી મંજૂરી
- પોતાનાં નિવેદનોને કારણે વિવાદોમાં હતાં રમીઝ રાજા
પાકિસ્તાન ક્રિકેટ બોર્ડનાં અધ્યક્ષ રમીઝ રાજાને તેમના અધ્યક્ષ પદથી હટાવી દેવામાં આવ્યાં છે. રમીઝ રાજા સતત પોતાનાં નિવેદનોને કારણે વિવાદોમાં હતાં તેની વચ્ચે આ પગલું લેવામાં આવ્યું છે. રમીઝ રાજાની જગ્યાએ નઝમ શેઠીને પાકિસ્તાન ક્રિકેટ બોર્ડનાં નવા અધ્યક્ષ બનાવાયાં છે. પાકિસ્તાનનાં પ્રધાનમંત્રી શહબાદ શરીફે પીબીસીની આ નવી નિયુક્તિ પર મંજૂરી આપી છે.
રમીઝ રાજાને અધ્યક્ષ પદથી કરાયા દૂર
છેલ્લા કેટલાંક સમયથી સતત આ વાત ચર્ચામાં હતી કે રમીઝ રાજાને તેમના પદથી હટાવી દેવામાં આવી શકે છે. જો કે વારંવાર તેમણે આ અફ્વાઓનું ખંડન કર્યું હતું. એટલું જ નહીં રમીઝ રાજાએ પીબીસીનાં અધિકારીઓને પણ કહ્યું હતું કે સરકાર તરફથી તેમને આ પદ પર કાયમ રહેવા માટે પણ મંજૂરી મળી ગઇ છે.
પાકિસ્તાને પોતાના ઘરમાં જ ગુમાવી સીરીઝ
પાકિસ્તાને હાલમાં જ પોતાના ઘરમાં ઇંગ્લેન્ડની સામે 0-3ની મોટી હાર સ્વીકારવી પડી હતી. પાકિસ્તાનનાં ક્રિકેટ ઇતિહાસમાં આ પહેલીવખત થયું હતું કે જ્યારે પાકિસ્તાન પોતાનાં જ દેશમાં ખેલાઇ રહેલી કોઇ ટેસ્ટ સીરીઝમાં ક્લીન સ્વીપ ભોગવવી પડી હોય. ઇંગ્લેન્ડથી પહેલાં ઑસ્ટ્રેલિયાએ પણ પાકિસ્તાનને તેના ઘરમાં જ માત આપી હતી.
ભારત વિરૂદ્ધ સતત કરી રહ્યાં હતાં ટિપ્પણી
રમીઝ રાજા હાલમાં જ પોતાના વિવાદસ્પદ ટિપ્પણીઓનાં કારણે ચર્ચામાં રહ્યાં છે. તેમણે ભારતમાં થનારાં વનડે વર્લ્ડકપ 2023 માટે પણ ધમકી ભરેલ સ્વર વાપર્યો હતો અને પાકિસ્તાન ટીમનાં શામેલ ન થવાની વાત કરી હતી. તેવું એટલા માટે કરવામાં આવ્યું કારણકે ભારતે પાકિસ્તાનમાં થનારી એશિયા કપમાં રમવાથી ઇનકાર કર્યો હતો અને ભારતનું કહેવું છે તે ટૂર્નામેન્ટ કોઇ બીજાં સ્થળે થવી જોઇએ. રમીઝ રાજાએ તેના બાદ જ બીસીસીઆઇની સામે આક્રોષ વ્યક્ત કર્યો હતો.
રમીઝ રાજાની જગ્યાએ અધ્યક્ષ બન્યાં નઝમ શેઠી
પાકિસ્તાન ક્રિકેટ બોર્ડનાં અધ્યક્ષ બનેલા નઝમ શેઠી પહેલા પણ આ પદ પર રહી ચૂક્યાં છે. પૂર્વ પ્રધાનમંત્રી નવાઝ શરીફે તેમને 2017માં પીબીસી અધ્યક્ષ બનાવ્યાં હતાં. જો કે ઇમરાન ખાન સરકાર આવ્યાં બાદ તેમણે રાજીનામું આપી દીધું હતું.
