VTV / ગુજરાત / Rajput community performed sword maha aarti at the temple of Rajpipla Harsiddhi Mataji, worshiped Mataji by clashing swords, watch the video of bravery.
નર્મદાનાં રાજપીંપળા ખાતે આવેલ 423 વર્ષ જૂનું માં હરસિદ્ધ માતાનું મંદિરે છેલ્લા 10 વર્ષથી આસુ સુદ છ઼ઠ્ઠનાં દિવસે રાજપૂત સમાજનાં યુવાનો દ્વારા તલવાર બાજીની આરતી કરી હતી. આ આરતીમાં 10 વર્ષનાં બાળકથી લઈ 40 વર્ષનાં યુવાનો એક સાથે આરતીની ધૂનમાં તલવાર બાજી કરી લોકોને મંત્રમુગ્ધ કરી દીધા હતા.
Share
રાજપીંપળામાં 423 વર્ષ પૌરાણિક હરસિદ્ધ માતાનાં મંદિરે અનોખી પૂજા થાય છે
હરસિદ્ધ માતાજી રાજપૂતોની કુળદેવી મનાય છે
છેલ્લા 10 વર્ષ થી આસો સુદ છઠે તલવારબાજી કરી થાય છે માતાની આરતી
નવરાત્રીમા માં શક્તિની આરાધનાનું પર્વ આ નવરાત્રીમાં દરેક ભક્તો માં ની ઉપાસના પોતાની શક્તિ પ્રમાણે કરે છે. ત્યારે નર્મદાના રાજપીપળામાં આવેલા 423 વર્ષ પૌરાણિક માં હરસિધ્ધિ મંદિરે ભક્તો અનોખીરીતે મા ની પૂજા અર્ચના કરે છે. હરસિધ્ધિ માતાજી રાજપૂતોની કુળદેવી મનાય છે. અને એક લોકવાયકા પ્રમાણે તે સમયના મહારાજા વેરીસાલ મહારાજ સાથે માં હરસિદ્ધી ઉજ્જૈન થી રાજપીપળા આવ્યા હતા. અને તેને કારણેજ રાજપૂતોમાં હરસિદ્ધિ માતાજી પર અપાર શ્રદ્ધા છે. ત્યારે અહીં છેલ્લા 10 વર્ષ થી આસો સુદ છઠે તલવારબાજી કરી માતાની આરતી થાય છે.
રાજપૂત યુવાનોએ તલવારબાજી કરી લોકોમાં આકર્ષણ જમાવ્યું
રાજપૂતોની કુળદેવી ગણાતી માં હરસિધ્ધિનું એક મંદિર ઉજ્જૈનમાં છે અને બીજું નર્મદાના રાજપીપળામાં આ માં હરસિદ્ધિની આરતી અનોખી રીતે થાય. તે આશયથી અહીના 175 જેટલા યુવાનો છેલ્લા 9 વર્ષથી પ્રયત્નશીલ છે. અને રાજપૂતોએ શૌર્ય તલવાર બાજીની આરતી કરી લોકોમાં આકર્ષણ જમાવે છે. માતાજીની આરતી અનોખીરીતે તલવારબાઝીથી થાય તે માટે 10 વર્ષના બાળકથી લઈને 40 વર્ષના યુવાનોએ એકી સાથે આરતીની ધૂનમાં તલવાર બાજી કરે ત્યારે એક અનોખું દ્રશ્ય સર્જાયું હતું.
યુવાનોએ સતત તલવાર બાજી કરી માતાજીની અનોખી આરાધના કરી
સત્તત 1 કલાક અને 30 મિનીટ સુધી ચાલતી કુલ 3 આરતી માં 175 જેટલા યુવાનોએ સતત તલવાર બાજી કરી માતાજીની અનોખી આરાધના કરી જોકે તલવારએ રાજપૂતોનું શસ્ત્ર ગણાય છે. પરંતુ આ શસ્ત્રને સમય આવે ક્ષત્રાણી પણ ચલાવી શકે તે આશયથી અને સાથે જ આ શસ્ત્ર ચલાવી શકશે. તેવી માતાની અનોખી શ્રદ્ધા સાથે આજે તલવાર આરતી કરી. જો કે આ વર્ષે આ તલવાર મહાઆરતીની વિશેષતાએ હતી કે માત્ર નર્મદા જ નહિ પણ પાડોશી જિલ્લાના રાજપૂત યુવાનોએ આ તલવાર આરતીમાં ભાગ લીધો હતો.
