VTV / ગુજરાત / અમદાવાદ / ભાવનગર / રાજકોટ / Rain in many areas of Gujarat including Saurashtra, 4 inches in Bhensan and 2 inches in Kalavad, see pictures
મેઘમહેર / સૌરાષ્ટ્રમાં સહિત ગુજરાતને અનેક વિસ્તારમાં વરસાદ ધમધોકાર, ભેંસાણમાં 4 ઈંચ તો કાલાવડમાં 2 ઈંચ પડ્યો, ક્યાં કેવો વરસ્યો જુઓ તસવીરો
હવામાન વિભાગ દ્વારા રાજ્યમાં ભારે વરસાદની આગાહી કરી છે. ત્યારે સૌરાષ્ટ્ર તેમજ બનાસકાંઠા પંથકમાં છુટો છવાયો વરસાદી માહોલ છવાયો હતો. એકાએક વરસાદી માહોલ છવાતા શહેરીજનોએ ઠંડકનો અનુભવ કર્યો હતો.
Share
દ્વારકાના ભાણવડ પંથકમાં ધોધમાર વરસાદ
શિવા, કાટકોલા, ત્રણ પાટિયા વિસ્તારમાં વરસાદ
ભારે વરસાદથી ચેકડેમ, નદી-નાળા છલકાયા
દ્વારકાનાં ભાણવડ પંથકમાં ધોધમાર વરસાદ ખાબક્યો હતો. ત્યારે શિવા, કાટકોલા, ત્રણ પાટીયા વિસ્તારમાં પણ વરસાદી માહોલ છવાયો હતો. ભારે વરસાદથી ચેકડેમ, નદી-નાળા છલકાયા હતા.
જૂનાગઢમાં વરસાદના બીજા રાઉન્ડની શરૂઆત
જૂનાગઢનાં ભેંસાણ પંથકમાં સમી સાંજે વરસાદી માહોલ છવાયો હતો. ત્યારે ભેંસાણમાં 4 ઈંચથી વધુ વરસાદ પડ્યો હતો. ભેસાણ, રાણપુર, પસવાડા, ખારચીયામાં વરસાદી માહોલ છવાયો હતો. ત્યારે બપોરે જૂનાગઢમાં વરસાદનાં બીજા રાઉન્ડની શરૂઆત થઈ હતી.
ધોરાજી શહેર અને ગ્રામ્ય પંથકમાં વરસાદ
ધોરાજી શહેર અને ગ્રામ્ય પંથકમાં વરસાદી માહોલ છવાયો છે. ત્યારે જમનાવડ, ફરેણી, સુપડીમાં વરસાદી માહોલ જામ્યો છે. તેમજ ઝાંઝમેર સહિતનાં વિસ્તારમાં પણ વરસાદ શરૂ થતા લોકોએ ઠંડકથી રાહત મેળવી હતી.
ખીરસરા, સ્ટેશન વાવાડી, ગુંદાળામાં વરસાદ
જેતપુર શહેર અને ગ્રામ્ય પંથકમાં વરસાદ પડતા લોકોએ ઠંડકથી રાહત અનુભવી હતી. ત્યારે ખીરસરા, સ્ટેશન વવાડી, ગુંદાળામાં વરસાદ પડ્યો હતો. તેમજ પીઠડિયા મેવાસા સહિતનાં વિસ્તારોમાં પણ વરસાદી માહોલ છવાયો હતો.
ધોધમાર વરસાદ પડતા ખેડૂતોમાં ખુશીનો માહોલ
બનાસકાંઠાનાં ડીસા પંથકમાં પણ ધોધમાર વરસાદ ખાબક્યો હતો. ડીસામાં લાંબા સમય બાદ વરસાદ વરસ્યો હતો. વરસાદ પડતા લોકોએ ભારે ઉકળાટ બાગ રાહત અનુભવી હતી. ધોધમાર વરસાદ પડતા ખેડૂતોમાં ખુશીનો માહોલ છવાયો હતો.
4 દિવસના ભારે ઉકળાટ બાદ વરસાદ
અંબાજીમાં વિરાદ બાદ વરસાદી માહોલ છવાયો હતો. 4 દિવસનાં ભારે ઉકળાટ બાદ એકાએક વરસાદી માહોલ છવાતા શહેરીજનોએ રાહત અનુભવી હતા. ત્યારે અંબાજી અને આસપાસનાં વિસ્તારમાં વરસાદી માહોલ છવાયો હતો..
જસદણ બાયપાસ રોડ પર વૃક્ષ ધરાશાયી
જસદણમાં ગાજવીજ સાથે ધોધમાર વરસાદ પડ્યો હતો. ભારે વરસાદ પડતા ઠેર-ઠેર પાણી ભરાયા હતા. ભારે પવન સાથે વરસાદ વરસતા વૃક્ષ ધરાશાયી થયું હતું. ત્યારે જસદણ બાયપાસ રોડ પર વૃક્ષ ધરાશાયી થયું. હતું. તેમજ આટકોટ નદી કાંઠે આવેલા જર્જરિત કારખાનાની છતનો ભાગ પણ ધરાશાયી થયો હતો. ધોધમાર વરસાદથી અનેક નદી-નાળા છલકાયા હતા.
વરસાદ વરસતા લોકોને ગરમીથી મળી રાહત
દાહોદ શહેરમાં વરસાદની શરૂઆત થતા શહેરીજનોએ કંઈક અંશે ગરમીથી રાહત અનુભવી હતી. શહેર આસપાસનાં વિસ્તારોમાં વરસાદ પડ્યો હતો. વરસાદ વરસતા લોકોને ગરમીથી રાહત મળી હતી. તેમજ વરસાદ વરસતા ખેડૂતોમાં પણ ખુશીનો માહોલ જોવા મળ્યો હતો. છેલ્લા બે દિવસનાં અસહ્ય બફારા બાદ વરસાદની શરૂઆત થવા પામી હતી.
કાલાવડ શહેરમાં ધોધમાર વરસાદ
જામનગરનાં કાલાવડ શહેરમાં ધોધમાર વરસાદ પડ્યો હતો. 2 કલાકમાં 2 ઈંચ જેટલો વરસાદ પડ્યો હતો. ત્યારે સવારથી કાળા ડિબાંગ વાદળો અને ભારે ઉકળાટ હતા. ત્યારે બપોર બાદ અચાનક જ વાતાવરમાં પલ્ટો જોવા મળ્યો હતો. વરસાદ પડતા લોકોએ ગરમીથી આંશિક રાહત મેળવી હતી. એકાએક વરસાદ પડતા વેપારીઓએ પણ ભારે હાલાકી ભોગવી હતી.
