- IRCTC એ શ્રી રામાયણ યાત્રાની સફળતા બાદ આ નિર્ણય લીધો
- ટ્રેનના દરેક કોચ આદ્યુનિક સુવિદ્યાઓથી સજ્જ છે
- પહેલા દેખો અપના દેશ અંતર્ગત આ ખાસ ટ્રેન શરૂ કરી
IRCTC એ શ્રી રામાયણ યાત્રાની સફળતા બાદ આ નિર્ણય લીધો
આ ટ્રેનોએ ચાર ધામ બદ્રીનાથ, જગન્નાથ પુરી, રામેશ્વરમ અને દ્વારકાધીશ માટે ખાસ ટ્રેન શરૂ કરી છે. IRCTC એ હવે દેખો અપના દેશ ચાર ધામ યાત્રા શરૂ કરી છે. શ્રી રામાયણ યાત્રા ટ્રેનની સફળતા બાદ આ નિર્ણય લેવામાં આવ્યો છે.
16 દિવસ અને 15 રાતની મુસાફરી
ચાર ધામની યાત્રા 18 સપ્ટેમ્બર 2021 ના રોજ દિલ્હીના સફદરજંગ રેલવે સ્ટેશનથી શરૂ થઈ છે. સમગ્ર યાત્રા 16 દિવસ અને 15 રાતની હશે અને તેમાં બદ્રીનાથ, નરસિંહ મંદિર (જોશીમઠ), ઋષિકેશ, માના ગામ (ચીન બોર્ડર પાસે), જગન્નાથપુરી, પુરીનો ગોલ્ડન બીચ, કોનાર્ક મંદિરનો પણ સમાવેશ થશે. આ ઉપરાંત ધનુષકોડી, રામેશ્વરમ, નાગેશ્વર જ્યોતિર્લિંગ, ચંદ્રભાગા બીચ, બેટ દ્વારકા, દ્વારકાધીશ અને શિવરાજપુર બીચની પણ મુલાકાત લેવામાં આવશે. આ યાત્રા દરમિયાન મુસાફરો લગભગ 8500 કિમીનું અંતર કાપશે.
ટ્રેનના દરેક કોચ આદ્યુનિક સુવિદ્યાઓથી સજ્જ છે
સ્ટેટ ઓફ આર્ટ ડિલક્સ એસી ટુરિસ્ટ ટ્રેનમાં બે સુંદર ડાઇનિંગ રેસ્ટોરન્ટ્સ, એક આધુનિક રસોડું, કોચમાં શાવર ક્યુબિકલ્સ, સેન્સર આધારિત વોશરૂમ ફંક્શન, ફુટ મસાજરની સુવિધા છે. ફુલી એસી ટ્રેનમાં બે કોચ ફર્સ્ટ એસી અને સેકન્ડ એસી હશે. ટ્રેન દરેક કોચ માટે સીસીટીવી કેમેરા અને સિક્યુરિટી ગાર્ડથી સજ્જ છે.
પહેલા દેખો અપના દેશ અંતર્ગત આ ખાસ ટ્રેન શરૂ કરી
IRCTC એ સ્થાનિક પર્યટનને પ્રોત્સાહન આપવા માટે ભારત સરકારની પહેલા દેખો અપના દેશ અંતર્ગત આ ખાસ પ્રવાસી ટ્રેન શરૂ કરી છે. જેમાં મુસાફરીનું ભાડું પ્રતિ વ્યક્તિ 78,585 રૂપિયા છે. જેમાં એસી ટ્રેનમાં મુસાફરી કરવા ઉપરાંત, ડીલક્સ હોટલોમાં રહેઠાણ, ડુંગરાળ વિસ્તારો સિવાય તમામ સ્થળોએ ખોરાક, ટ્રાવેલ ઇન્શ્યોરન્સ અને આઇઆરસીટીસી સર્વિસ મેનેજર સુવિધા પૂરી પાડવામાં આવશે.
