- રેલ્વેના અંબાલા ડિવિઝન પર કેટરિંગ કોન્ટ્રાક્ટરને જબરો દંડ
- પાણીની બોટલના 5 રૂપિયા વધુ વસૂલતા થઈ શિક્ષાત્મક કાર્યવાહી
- સંબંધિત વિભાગ દ્વારા રૂપિયા 1 લાખનો દંડ ઝીંકાયો
ભારતીય રેલ્વેના અંબાલા ડિવિઝન પર પાણીની બોટલની નક્કી કરેલી કિંમત કરતાં વધુ કિંમત વસૂલવી કોન્ટ્રાક્ટરને મોંઘી પડી હોવાનો કિસ્સો સામેં આવ્યો છે. કોન્ટ્રાક્ટરને પાંચ રૂપિયાનો નફો એક લાખમાં પડ્યો હોય તેમ કેટરિંગ કોન્ટ્રાક્ટરએ ગ્રાહક પાસેથી પાણીની બોટલની કિંમત કરતાં રૂ.5 વધુ વસૂલ્યા હતા. જે અંગે જાણ થતાં રેલવે વિભાગના સંબંધિત અધિકારીઓ દોડી આવ્યા હતા અને તપાડ બાદ રેલવેએ કોન્ટ્રાક્ટર પર 1 લાખ રૂપિયાનો દંડ ફટકાર્યો હોવાનું સામે આવ્યું છે.
IRCTC દ્વારા કોન્ટ્રાક્ટરો માટે કરાઈ યાદી
ઉલ્લેખનીય છે કે રેલવેની પેટાકંપની IRCTC દ્વારા તેના તમામ વિક્રેતાઓ અને કોન્ટ્રાક્ટરો માટે એક યાદી જાહેર કરવામાં આવી છે. જેમાં જરૂરી વસ્તુઓની કિંમત નક્કી કરી તે દર્શાવી જેને પગલે મુસાફરોને સ્ટેશન પર આવશ્યક ચીજવસ્તુઓ માટે નક્કી કરેલી કિંમત જ ચૂકવવી પડે. પરંતુ અમુક ધનલાલચુ કોન્ટ્રાક્ટરો આવા નિયમોને ઘોળીને પી જતા હોય છે ત્યારે આવી સ્થિતિમાં પાણીની બોટલ પર 5 રૂપિયા વધુ વસૂલવા બદલ કોન્ટ્રાક્ટર પર ભારે દંડ ફટકારવામાં આવ્યો હોવાથી આ દાખલા રૂપ કામગીરીને લોકો આવકારી રહ્યા છે.
મુસાફરો પાસેથી નક્કી કરાયા ઉપરાંતની કિંમત વસુલી શકાશે નહીં
મુસાફરો ને સ્ટેશન પર જરૂરી સામાન માટે માત્ર નક્કી કરેલી કિંમતમાં જ મળી રહે તે માટે રેલવે છેલ્લા કેટલાક સમયથી સતત પ્રયાસ કરી રહ્યું છે. આ માટે, રેલવેની પેટાકંપની IRCTCએ તેના તમામ વિક્રેતાઓ અને ગ્રાહકો માટે વાસ્તુની કિંમતની યાદી પણ નક્કી કરી છે. જેમાં કોઈ પણ કોન્ટ્રાક્ટર કે વેન્ડર મુસાફરો પાસેથી નિયત કિંમત કરતાં વધુ ચાર્જ વસૂલી શકશે નહીં. તેવી ચોખ્ખી સુચના પણ અપાઈ છે. એટલુ જ નહીં આવું કરનારનો વેન્ડરનો કોન્ટ્રાક્ટ રદ કરી શકાય છે. આ સાથે નાણાકીય દંડ પણ લાદવામાં આવી શકે છે.
