અવેરનેસ? / વડોદરા પોલીસની ફિલ્મ "ખપ્પર"નો કરણી સેનાએ કર્યો વિરોધ, ગબ્બરસિંહ બાપુ છે કારણ, જુઓ આરોપ મુજબ શું કર્યું છે ખોટુ ચિત્રણ

• રાજકોટમાં ફિલ્મ "ખપ્પર"નો વિરોધ 
• પોલીસ અવેરનેસ નિર્મિત ફિલ્મનો વિરોધ
• કરણી સેનાએ કર્યા આક્ષેપ

 શહેરીજનો વ્યાજખોરોના દુષણમાં ન ફેલાય તે માટે વડોદરા શહેર પોલીસ દ્વારા  "ખપ્પર " નામની શોર્ટ ફિલ્મ બનાવવામાં આવી છે. ત્યારે આ ફિલ્મના માધ્મયમથી લોકો વ્યાજખોરોની જાળમાં ન ફસાય અને જો કોઈ વ્યાજખોર વધુ પૈસા માંગતો હોય તો તેની સામે પોલીસ ફરિયાદ કરવા માટે તેઓને જાગૃત કરતી આ શોર્ટ ફિલ્મ બનાવવામાં આવી છે. 

શોર્ટ ફિલ્મમાં પોલીસ વિભાગના જ અધિકારીઓ કલાકાર તરીકે ભૂમિકા ભજવી
ફિલ્મમાં પોલીસ વિભાગમાં જ ફરજ બજાવતા કેટલાક અધિકારીઓ દ્વારા આ  "ખપ્પર " શોર્ટ ફિલ્મ બનાવવામાં આવી છે. પોલીસ અધિકારીઓ દ્વારા પોતે આ ફિલ્મમાં રોલ ભજવીને તેઓએ પણ પોતાની અંદર રહેલ કલાકારાને બહાર લાવવા પ્રયત્ન કર્યો છે. 

કરણી  સેનાના આગેવાને આક્રોશ વ્યક્ત કર્યો
આ ફિલ્મમાં ક્ષત્રિય સમાજને ટાર્ગેટ કરીને ખોટું ચિત્રણ કર્યાનો આક્ષેપ કરણી સેના દ્વારા કરવામાં આવી રહ્યો છે. જેથી કરણી સેનાના આગેવાન જે.પી. જાડેજાએ આક્રોશ વ્યક્ત કર્યો છે. જે.પી. જાડેજાએ જણાવ્યું હતું કે ફિલ્મમાં ગબ્બરસિંહ બાપુનાં પાત્રને લઈને વિવાદ થયો છે. ફિલ્મમાં ગબ્બરસિંગ બાપુ નામની વ્યક્તિ જે વ્યાજનો વેપાર કરે છે. જેને લઈને કરણી સેનામાં રોષ જોવા મળી રહ્યો છે.