- દેશ ભરમાં હાલ પયગંબર ટિપ્પણી વિવાદ ચાલી રહ્યો છે
- નૂપુર શર્માના નિવેદન બાદ હિંસા અને પ્રદર્શનો થયા
- હવે નૂપુર શર્માના સમર્થનમાં બજરંગ દળની પણ એન્ટ્રી થઈ
દેશમાં પયગંબર વિવાદને લઈને હવે બજરંગ દળની પણ એન્ટ્રી થઈ છે. 16 જૂને બજરંગ દળના કાર્યકર્તાઓ આ મુદ્દાને લઈને રાષ્ટ્રવ્યાપી આંદોલન કરશે અને રાષ્ટ્રપતિ રામનાથ કોવિંદને આવેદન આપશે. આ આંદોલન પયગંબર વિવાદ બાદ ભડકેલી હિંસા વિરુદ્ધ કરવામાં આવશે.
અહીં ઉલ્લેખનીય છે કે, ભાજપના પૂર્વ પ્રવક્તા નૂપુર શર્માએ કરેલી પયગંબર મહોમ્મદ પરની ટિપ્પણી વિરુદ્ધમાં દેશભરમાં આંદોલનો છંછાડાયા હતા અને કેટલાય ભાગોમાં હિંસા થઈ હોવાના સમાચાર આવ્યા હતા. હવે આ હિંસા વિરુદ્ધ બજરંગ દળ રસ્તા પર ઉતરીને આંદોલન કરશે.
સંગઠને કહ્યું કે, તેમના કાર્યકર્તા ગુરૂવારે દેશભરના જિલ્લા પ્રશાસન મુખ્યાલયમાં ઈસ્લામિક જિહાદી કટ્ટરપંથીઓ દ્વારા વધતી ચરમપંથી ઘટનાઓની વિરુદ્ધમાં ધરણા કરશે અને પ્રદર્શનો પણ કરશે.
શું છે નૂપુર શર્માનો વિવાદ
ભાજપના પૂર્વ પ્રવક્તા દ્વારા નૂપુર શર્માએ શુક્રવારે 27 મેના રોજ એક ન્યૂઝ ચેનલની ડિબેટમાં ટિપ્પણી કરી હતી. આ ડિબેટ દરમિયાન તેમણે કહ્યું હતું કે, અમુ કોલોક હિન્દુ આસ્થાની સતત મજાક ઉડાવી રહ્યા છે. જો આવું છે તો તે પણ બીજા ધર્મની મજાક ઉડાવી શકે છે. ત્યાર બાદ તેમણે અમુક ઈસ્લામિક માન્યતાઓની પણ વાત કહી હતી.
નૂપુર શર્માની આ ડિબેટ પર કહેવામાં આવેલી વાતોનું કથિત ફેક્ટ ચેકર મહોમ્મદ જુવૈરે પોતાના ટ્વિટર પર શેર કર્યા અને આરોપ લગાવ્યો હતો કે, પયગંબર મહોમ્મદ પર વિવાદીત ટિપ્પણી કરી છે. ત્યાર બાદ નૂપુર શર્માનો વીડિયો સોશિયલ મીડિયા પર વાયરલ થયો અને એક જૂનના રોજ મહારાષ્ટ્રમાં તેમના વિરુદ્ધ ધાર્મિક ભાવનાને ઠેસ પહોંચાડવાનો કેસ નોંધાયો.
