- કોંગ્રેસ નેતા પ્રિયંકા ગાંધીએ ટ્વીટ કરી માહિતી આપી
- કહ્યું તબીયત સારી ન હોતાં યાત્રામાં નહીં જોડાઈ શકે
- યાત્રીકો અને પોતાના ભાઈને પાઠવી શુભેચ્છા
કોંગ્રેસ મહાસચિવ પ્રિયંકા ગાંધીની તબીયત ખરાબ થઈ ગઈ છે. તેમને હોસ્પિટલમાં દાખલ કરવામાં આવ્યું છે. પ્રિયંકા ગાંધી આજે યૂપીમાં પ્રવેશ કરી રહેલ રાહુલ ગાંધીની ભારત જોડો યાત્રામાં સામેલ થવાના હતાં પણ તેઓ આજે યાત્રામાં સામેલ નહીં થઈ શકે. રાહુલ ગાંધીની યાત્રા આજે બિહારથી ઉત્તરપ્રદેશમાં પહોંચશે. યાત્રામાં કોંગ્રેસનાં મોટા નેતાઓ સામેલ થશે. પણ પ્રિયંકા ગાંધી યાત્રામાં જોડાઈ નહીં શકે.
મારા પ્યારા ભાઈને શુભકામનાઓ- પ્રિયંકા ગાંધી વાડ્રા
પ્રિયંકા ગાંધીએ ટ્વીટ કરતાં કહ્યું કે," હું ભારત જોડો ન્યાય યાત્રાની ઉત્તર પ્રદેશ પહોંચવાની આતુરતાથી રાહ જોઈ રહી હતી. પણ બીમારીનાં લીધે મને આજે હોસ્પિટલમાં દાખલ થવું પડ્યું છે. થોડું સારું થતાંની સાથે જ હું યાત્રામાં જોડાઈશ. ત્યાં સુધી ચંદૌલી-બનારસ પહોંચી રહેલા તમામ યાત્રીકો, મહેનતથી યાત્રાની તૈયારીમાં લાગેલા ઉત્તરપ્રદેશમાં જોડાયેલા મારા સહયોગીઓ અને મારા પ્યારા ભાઈને શુભકામનાઓ આપું છું."
આ નફરતનો દેશ નથી- રાહુલ ગાંધી
બિહારનાં મોહનિયામાં એક સભાનું સંબોધન કરતાં કોંગ્રેસ નેતા રાહુલ ગાંધી કહ્યું કે તમે કોંગ્રેસ અને રાજદનાં કાર્યકર્તાઓ મોહોબ્બતની દુકાન ખોલો અને લોકોને જોડો. આપણે સૌ મળીને ભાજપનાં લોકો દ્વારા ફેલાવવામાં આવેલી નફરતની સામે લડશું અને આપણે જીતશું. આ નફરતનો દેશ નથી..આ પ્રેમ અને ભાઈચારાનો દેશ છે. તમારા લોહીમાં તમારા DNAમાં નફરત નથી.
વધુ વાંચો: કેમ ફ્રીઝ થયાં કોંગ્રેસના બેન્ક ખાતા? 210 કરોડ ક્યાંથી આવ્યાં? અજય માકનનો ધડાકો
કેન્દ્ર પર હુમલો
કોંગ્રેસ નેતાએ કહ્યું કે દરેક ખૂણામાં તમે કોઈપણ ગરીબ વ્યક્તિને પૂછી લો, દેશની સાથે અન્યાય થઈ રહ્યો છે. સામાજિક અન્યાય થઈ રહ્યાં છે. ખેડૂતો અને મહિલાઓ સાથે અન્યાય થઈ રહ્યાં છે. સામાજિક ન્યાયનું સૌથી પહેલું પગલું જાતિગત જનગણના છે. તેનાથી ખબર પડશે કે સમાજમાં કોની કેટલી ભાગેદારી છે.
